თბილისის ოპერისა და ბალეტის თეატრში დღეს, 5 ნოემბერს ვოკალისტთა მე-2 საერთაშორისო კონკურსი OPERA CROWN-ის დასკვნითი საღამო - საზეიმო დახურვა გაიმართება. კონკურსი 1-ელ ნოემბერს გაიხსნა და 3 ტურისგან შედგებოდა. კონკურსის ფარგლებში, 21 ქვეყნიდან, საქართველოს 50-მდე ახალგაზრდა ვოკალისტი ესტუმრა, რომლებსაც საერთაშორისო ჟიური აფასებს. ფინალისტები სულ რამდენიმე საათში თბილისის ოპერისა და ბალეტის თეატრის ორკესტრის თანხლებით წარდგებიან მაყურებლის წინაშე.
თბილისის ვოკალისტთა საერთაშორისო კონკურსი OPERA CROWN 2018 წლის მაისში დაფუძნდა. კონკურსი ორ წელიწადში ერთხელ თბილისში ტარდება და ყოველ ჯერზე კონკურსანტებს საკუთარი შესაძლებლობების გამოსავლენად საუკეთესო და კეთილგანწყობილ გარემოს სთავაზობს.
2020 წლის 14 და 15 სექტემბერს, ახალ კორონა ვირუსთან დაკავშირებით მსოფლიოში შექმნილი მდგომარეობის გამო, კონკურსის I ტური კონკურსში მონაწილეობის მსურველთა მიერ გამოგზავნილი ვიდეოჩანაწერების საფუძველზე ჩატარდა. შედეგად, შეირჩა 40 კონკურსანტი მსოფლიოს 18 ქვეყნიდან. II ტური სულ რამდენიმე დღის წინ შედგა, დღეს კი დიდი ფინალისთვის ვემზადებით.
მსოფლიო საოპერო რუკაზე საქართველო კიდევ ერთხელ მოინიშნა, OPERA CROWN-ის დონის საერთაშორისო კონკურსი ქართული საოპერო ხელოვნების ინტერნაციონალიზაციის საუკეთესო საშუალებაა, ამ კონკურსის ფარგლებში ჩვენს ქვეყანას საოპერო სამყაროს წარმომადგენლები სტუმრობენ, რაც რასაკვირველია, ყოველი მონაწილისთვის ნამდვილი შანსია საოპერო ასპარეზზე გასასვლელად.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
