გალერია არტერია, 15 აპრილს, ანა დედაბრიშვილის კურატორობით ჯგუფურ გამოფენას სახელწოდებით „შენ ორი ხარ“ წარმოგვიდგენს. გამოფენის თემაა ორნი და მისი მონაწილეებიც ორნი არიან: თეზი ოსეფაშვილი და ხათუ ფსუტური, მეტიც, არტერია გამოფენაზე მისულ დამთვალიერებელსაც გაორებას უწინასწარმეტყველებს.
გაორება და წინააღმდეგობრივი აზრები ხომ ჩვენი ყოველდღიურობის ნაწილია? გამოფენის მონაწილე მხატვრები ხათუ ფსუტური და თეზი ოსეფაშვილიც ხშირად ხატავენ ორ ფიგურას, რომელიც თითქოს ერთი და იგივე ადამიანი ან სულაც არსებაა. თეზის ნამუშევრებში ჩვენ ვხედავთ გარდამავას, გაორებულ რეალობას - სიზმარს, ოცნებასა და რეალობას შორის.
გვაქვს თუ არა ერთი ჩამოყალიბებული არსება თუ მუდმივად გაორებულები ვართ? თუ გაორება მხოლოდ ილუზიაა და დროებითი შეცდომა, რომელიც უნდა გადაილახოს, რომ ერთი მთლიანობის ნაწილები გავხდეთ? - იქნებ ასე აღარ ვიქნებით მარტო? სწორედ ამ კითხვებზე საფიქრალად და პასუხების მოსაძებნად გალერეა არტერია გამოფენაზე გვეპატიჟება.
მხატვარი თეზი ოსეფაშვილი ხშირად აერთიანებს ნახატებში ფერსა და ტექსტურას და ის ნამუშევრებში კონტრასტითა და ვიბრაციით შეაქვს.
ხათუ ფსუტური კინორეჟისორი, მემონტაჟე და იმავდროულად მხატვარია, მას ღრმას სწამს, რომ ეს ეს პროფესიები არათუ ხელს უშლიან, პირიქით ავსებენ ერთმანეთს. ხატვა 9-10 წლის ასაკში დაიწყო და მას შემდეგ არც გაჩერებულა, ბუნებრივიაა, რომ მის ცხოვრებაში ფერწერას ყველაზე მნიშვნელოვანი ადგილი უკავია. ხატავს მაშინ, როდესაც განსაკუთრებული ემოცია შემოაწვება და ცდილობს თითოეული ნამუშევარი ერთ დღეში დაასრულოს, რათა ეს ემოციები მაქსიმალურად გადაიტანოს ტილოზე.
თეზი ოსეფაშვილისა და ხათუ ფსუტურის გამოფენების ნახვა 17 აპრილის ჩათვლით, გალერია არტერიაში შეგეძლებათ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.