სულ რაღაც 11 დღე გავიდა, მას შემდეგ, რაც საკაბელო ტელევიზია Netflix-მა ახალი სამხრეთკორეული სერიალის Squid Game-ის პირველი სეზონი წარადგინა და თამამად შეიძლება განვაცხადოთ, რომ ის მსოფლიოს უკვე იპყრობს. სოციალური ექსპერიმენტი და თამაში, რომელშიც მონაწილეებს შეცდომის დაშვების უფლება არ აქვთ - Squid Game დამაინტრიგებელი სიუჟეტით მილიონობით ადამიანი უკვე ჩაითრია და კიდევ ერთხელ მისცა იმის საშუალება, სერიალი ერთი ამოსუნთქვით ენახა.
Netflix-ის ისტორიაში პირველად, ყველაზე ნახვად სერიალების სათავეში სამხრეთკორეული ნამუშევარი მოექცა, მიუხედავად იმისა, რომ Squid Game-ს გამოუჩნდნენ, მოწინააღმდეგეები, რომლებიც ირწმუნებიან, რომ სერიალი ზედმეტად სასტიკია, მისი თაყვანისმცემელთა რიგები ბევრად დიდია და ისინი საკუთარ აღფრთოვანებას შეთქმულების თეორიისა და ფილოსოფიური შტრიხების მიმართ ხმამაღლა გამოხატავენ.
სიუჟეტის შესახებ
ყველაფერი მარტივად იწყება, 456 ადამიანი საკუთარი ნებით იღებს მონაწილეობას თამაშებში, რომელიც ერთი შეხედვით ბავშვურ გასართობს მოგაგონებთ, თუმცა საქმე ისაა, რომ დიდი საპრიზო ფონდისთვის ეს ადამიანები საკუთარი სიცოცხლის ფასად თამაშობენ, დაგაინტერესათ, არა?
თამაშის მონაწილეები შემთხვევითობის პრინციპით როდი არიან შერჩეული, ნურას უკაცრავად, ამ ადამიანებს სერიოზული ფინანსური პრობლემები, პრობლემები კანონთან ან სულაც უკურნებელი დაავადებები აერთიანებთ და ცხოვრებაში დასაკარგიც აღარაფერი აქვთ.
შემთხვევით რომ არ დაგასპოილეროთ და გვერწმუნეთ, ყოველი დეტალის მოყოლა ნამდვილად გვსურს, გეტყვით, რომ Squi Game-ს რეალურად დაძაბული ატმოსფერო, მისტიკური გარემო და ყველაფერზე წამსვლელი ადამიანები ამდიდრებენ. რაზეა წამსვლელი ადამიანი 30 მილიარდი ევროსთვის? - ამ კითხვაზე პასუხს სერიალის ხილვისას მიიღებთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
