Studio Ghibli-ს დამაარსებლის და ერთ-ერთი უდიდესი იაპონელი ანიმატორისა და რეჟისორის ჰაიაო მიაძაკის უკანასკნელი ანიმეს How Do You Live?-ის გამოსვლის თარიღად 14 ივლისია ჩანიშნული, თუმცა ანიმაციურ სტუდიას ლეგენდაერული შემოქმედის ახალი ნამუშევრის პოპულარიზაციისთვის უნიკალური მიდგომა აქვს შემუშავებული: How Do You Live? კინოთეატრებში ყოველგვარი თრეილერისა და წინასწარი რეკლამის გარეშე გავა და Ghibli-ს ერთგული მაყურებლები ამისთვის მზად არიან.
How Do You Live? უდავოდ შეგვიძლია მივიჩნიოთ ერთ-ერთ ყველაზე ცნობილ ანიმედ იაპონიაში, რომელსაც მომლოდინეთა უზარმაზარი არმია ჰყავს. Studio Ghibli-მ ჰაიაო მიაძაკის უკანასკნელი შემოქმედების შესახებ, თვეების წინ მხოლოდ ის განმარტა, რომ ფილმი, როგორც „გრანდიოზული ფანტაზია“, შთაგონებულია იაპონელი ავტორის, გენზაბურო იოშინოს 1937 წელს გამოსული ამავე სახელწოდების რომანით. ანიმაციურმა სტუდიამ ერთი ბუნდოვანი პოსტერი გაგვიზიარა დეკემბერში, თუმცა სულ ეს იყო, ჩვენ აღარაფერი გვსმენია How Do You Live?-ის პერსონაჟების, სიუჟეტის თუ გარემოს შესახებ, რომელშიც მოქმედება ვითარდება და როგორც ჩანს, ეს პრემიერამდე ასეც დარჩება.
მარკეტინგის არარსებობას How Do You Live?-ის პროდიუსერი ტოშიო სუზუკი შემდეგნაირად ხსნის: „წლების განმავლობაში ჩვენ ვცდილობდით მაყურებელი კინოთეატრებში ჩვენი ფილმების სანახავად მიგვეყვანა, ამას ბევრი რესურსი და დრო დავუთმეთ, თუმცა ამჯერად გადავწყვიტეთ რომ ეს არ გვჭირდება... გულის სიღრმეში მჯერა, რომ ეს არის ის მიდგომა, რომელიც მაყურებელს რეალურად სურს“.
Studio Ghibli-ს ერთგული თაყვანისმცემლებისთვის სტუდიის არასტანდარტული მიდგომები გარკვეული საკითხების მიმართ უცხო ნამდვილად არ არის, მათ კარგად ესმით ერთი რამ, Ghibli ყოველთვის ანიჭებს უპირატესობას გამოცდილებას და არა კომერციულ მოსაზრებებს. სწორედ ამავე მიზეზით, სტუდია წლების განმავლობაში მკაცრად ზღუდავდა ლიცენზიების გაცემას, რომელიც მათი პერსონაჟებისგან ახალი პროდუქტცის შექმნას უქადდა, Studio Ghibli მიიჩნევდა, რომ ამ გზით პერსონაჟები რეალურ მაგიას დაკარგავდნენ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
