Eras Tour-ის 5 თვიანი თავგადასავალი ამერიკის შეერთებულ შტატებში დასასრულს მიუახლოვდა, ლოს-ანჯელესში ტეილორ სვიფტმა უკანასკნელი კონცერტი გამართა და გულშემატკივრებს გრანდიოზული სიურპრიზით დაემშვიდობა. პოპვარსკვლავმა კონცერტის მიმდინარეობისას, მისი ერთ-ერთი ყველაზე ცნობილი ალბომის 1989-ის ხელახლა ჩაწერილი ვერსიის გამოშვება დააანონსა. 27 ოქტომბრიდან, ტეილორის გულშემატკივრების რჩეული ალბომის გვერდით ყველანი დავინახავთ წარწერას Taylor's Version, რაც იმის მანიშნებელი იქნება, რომ მისი უფლებები სრულად ეკუთვნის სვიფტს.
1989 პირველად 2014 წელს გამოიცა, ალბომის გამოსვლის თარიღი მაშინაც 27 ოქტომბერი გახლდათ. 1989 ტეილორისთვის პირველი გრემის მომტანი ალბომი აღმოჩნდა, რომელიც აერთიანებდა ისეთ ჰიტებს, როგორებიცაა: Blank Space, Wildest Dreams და Shake It Off-ს.
Taylor Swift announcing #1989TaylorsVersion tonight at SoFi Stadium! #LATStheerastour #TSTheErasTour pic.twitter.com/zCSzcEWT2b
— The Eras Tour (@TSTheErasTour) August 10, 2023
სცენაზე ახალი ამბების გამოცხადებისას, ტეილორმა თქვა: „ბოლოს, როდესაც ასე სასიამოვნოდ გამაოცა თქვენმა რეაქციამ, იყო მაშინ, როდესაც განვაცხადე, რომ ალბომების ხელახლა ჩაწერას ვაპირებდი. მივიჩნევდი, რომ ეს მხოლოდ ჩემთვის იყო სიახლე, თინეიჯერობიდან მოყოლებული მინდოდა ჩემი მუსიკა შემექმნა, ამის გაკეთების საუკეთესო საშუალება კი ალბომების ხელახლა ჩაწერა მესახებოდა და თქვენ ეს იდეა მოიწონეთ... თქვენ გადაწყვიტეთ, რომ ეს თქვენი ბრძოლაც იყო და 100%-ით მიმაგრებდით ზურგს... არასდროს შევწყვეტ ამის გამო თქვენთვის მადლობის გადახდას“.
ტეილორმა 1989-ის (Taylor's Version) გამოშვება სცენაზე, ცისფერ კოსტიუმში გამოწყობილმა დააანონსა, ხოლო იმ მილიონობით გულშემატკივრისთვის, ვინც ლოს-ანჯელესის კონცერტზე არ იმყოფებოდა, მომღერალმა სიახლე Instagram-ის საშუალებითაც გაავრცელა.
„სიურპრიზი! 1989 (Taylor's Version) მალე თქვენთან იქნება! ამ ალბომმა ჩემი ცხოვრება თავდაყირა დააყენა და აღფრთოვანებული გაცნობებთ, რომ 1989-ის ჩემი ვერსია 27 ოქტომბერს გამოვა. ბოლომდე გულწრფელი რომ ვიყო, ძველი ალბომების ახალი ვერსიებიდან ეს ჩემი ფავორიტია იმ 5 ახალი სიმღერის გამო, რომელიც ალბომში შევა. არ მჯერა, რომ თავის დროზე ეს სიმღერები არ გამოვუშვით, მაგრამ ახლა ამ შეცდომას გამოვასწორებთ!“ - ვკითხულობთ Instagram პოსტის აღწერაში.
ტეილორის ხელახლა ჩაწერილ ალბომებს შორისაა Red, Fearless და Speak Now. როდესაც, სვიფტმა ალბომების ხელახლა ჩაწერა დაიწყო, ცნობილი გახდა, რომ ის ყველა ალბომს გამოუშვებდა ტეილორის ვერსიით, რომელიც Lover-მდე შეიქმნა. 1989-ის (Taylor's Version) გამოსვლის შემდეგ, ხელახლა ჩასაწერ ალბომებს შორის Taylor Swift და Reputation დარჩება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
