2022 წლის პირველი ნახევრის მნიშვნელოვან პრემიერებს შორის Inventing Anna და The Dropout საპატიო ადგილს დასაწყისიდანვე იკავებდნენ, Netflix-სა და Hulu-ს მინისერიალებს შორის მსგავსება დასაწყისიდან ნათელი გახლდათ. ორი ისტორია ორ ამბიციურ ქერა ქალზე, რომლებმაც საკუთარი წარმატება თავად შექმნეს, თუმცა Inventing Anna-ს გამოგონილი სიუჟეტის ხაზებისგან განსხვავებით, The Dropout არ ცვლის არც ერთ მნიშვნელოვან დეტალს, არც არარსებული პერსონაჟის გარშემო არ ავითარებს მოქმედებას, რაც მინისერიალს მნიშვნელოვან უპირატესობას ანიჭებს.
მაინც რის შესახებ გვიამბობს The Dropout? ეს არის ყველაზე ახალგაზრდა ქალი მილიარდერის ელიზაბეტ ჰოლმსის აღზევების ისტორია, ამბავი იმაზე თუ როგორ დააარსა ელიზაბეტმა Theranos 19 წლის ასაკში და როგორ გადაერთო ანტრეპრენერობიდან ბიოტექნოლოგიის ინოვაციურ პერსონაზე.
ელიზაბეტ ჰოლმსი 10 წლის განმავლობაში, მედიცინის სფეროში რევოლუციური გადატრიალებისთვის ემზადებოდა, ელიზაბეტის მიზანი დასაწყისშივე იყო ისეთი მეთოდის შექმნა, რომელიც სისხლის ანალიზს ყველა მომხმარებლისთვის ხელმისაწვდომს გახდიდა და ჰოლმსის მტკიცებით მან ეს მოახერხა კიდეც. მისი მტკიცებით ახალი მეთოდის გამოყენებით უმტკივნეულო პროცედურით სისხლის მიღების შემდეგ, უფრო მეტი ინფორმაციის მიღება იყო შესაძლებელი, ვიდრე ჩვეულებრივი ანალიზების დროს.
ერთი შეხედვით, ელიზაბეტის მიზანი, სამედიცინო გადატრიალება მოეხდინა, მიღწეული იყო, თუმცა რატომ დაემუქრა ჰოლმს 20 წლიანი თავისუფლების აღკვეთის საშიშროება? - სწორედ ამ კითხვებზე პასუხებს გვთავაზობს The Dropout.
დიდი სკანდალების დაბადება Hulu-მ 8 ეპიზოდში ჩაატია და საიდუმლოებებსაც დამაჯერებლად ახადა ფარდა. ამანდა სეიფრიდმა იდეალურად მოირგო ელიზაბეტ ჰოლმსის როლი და ანტრეპრენერის სტილის განუყოფელ ნაწილად ქცეული შავი ყელიანი სვიტერით, ამბავი ერთი ამოსუნთქვით მოყვა. The Dropout-ს დინამიკური თხრობის მანერა გამოარჩევს, ერთი ისტორიიდან მეორეზე გადასვლა იმდენად ბუნებრივად ხდება, რომ მაყურებელს წამითაც არ უჩნდება ყურადღების მოდუნების სურვილი.
მიუხედავად იმისა, რომ ელიზაბეტ ჰოლმსის - გამოგონილი მილიარდერის ისტორია ლოგიკურ დასასრულამდე ჯერაც არ მისულა, რადგან მისი სასამართლო პროცესები ამ დრომდე მიმდინარეობს, დღეს, 31 მარტს შესაძლებლობა გვექნება The Dropout-ის უკანასკნელ ეპიზოდს მივადევნოთ თვალი და ერთად ვნახოთ როგორი დასასრული შექმნა Hulu-მ ელიზაბეტ ჰოლმსისთვის.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
