The Idol-ის პირველი სეზონი მისი უკანასკნელიც აღმოჩნდა. HBO-მ ხმაურიან შოუს, რომელზეც Euphoria-ს შემქმნელმა სემ ლევინსონმა და აბელ ტესფაიემ (საზოგადოებისთვის ცნობილმა, როგორც The Weeknd) იმუშავეს, მეორე სეზონი არ დაუმტკიცა. სიახლე სიურპრიზი ნამდვილად არ ყოფილა, რადგან The Idol-მა თითქმის თითოეული ეპიზოდით შეძლო და მაყურებლების კრიტიკა დაიმსახურა.
„Idol იყო HBO-ს ერთ-ერთი ყველაზე პროვოკაციული ორიგინალური გადაცემა და ჩვენ მოხარული ვართ აუდიტორიის ძლიერი გამოხმაურებით”, - თქვა HBO-ს წარმომადგენელმა. „ბევრი ფიქრისა და განხილვის შემდეგ, HBO-მ, ისევე როგორც სერიალის შემქმნელებმა და პროდიუსერებმა, გადაწყვიტეს, რომ შოუ მეორე სეზონით არ გაგრძელდება. ჩვენ მადლობელი ვართ შემქმნელების, მსახიობებისა და გუნდის წარმოუდგენელი თავდადებისთვის.”
როგორც Variety იუწყება, სერიალის გაუქმება როგორც მაყურებლის, აგერთვე მსახიობების მხრიდან აზრთა სხვადასხვაობამ გამოიწვია. The Idol-ის ვარსკვლავებმა მოზეს სამნიმ და დავაინ ჯოი რენდოლფმა ორივემ განსხვავებული პერსპექტივების შესახებ ისაუბრეს, სამნიმ განმარტა, რომ მისი აზრით, The Idol ლიმიტირებული სერიალი იქნებოდა, რენდოლფი კი ფიქრობდა, რომ „ყველას განზრახვა [ეს იყო] მეორე სეზონი”.
ლევინსონის, ტესფაიეს და რეზა ფაჰიმის ერთობლივად შექმნილი სერიალის პრემიერა მაისში კანის კინოფესტივალზე შედგა. შოუმ, რომელშიც მთავარ როლებს აბელ ტესფაიე და ლილი როუზ-დეპი ასრულებდნენ, ჯერ კიდევ პრემიერამდე გამოიწვია ხმაური. 2022 წელს გავრცელდა ცნობები The Idol-ის ტოქსიკური სამუშაო გარემოს შესახებ, მალევე კი სერიალი რეჟისორმა ემი სემიცმა დატოვა.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
