ოსკაროსანი ფსიქოლოგიური თრილერის Joker-ის გაგრძელება, რომელიც მსოფლიოში ერთ-ერთ ყველაზე ცნობილ კომიქსების ბოროტმოქმედზეა დაფუძნებული, ფილმების დისტრიბუტორის Warner Bros-ის სპიკერის განცხადებით, კინოთეატრებში 2024 წლის 4 ოქტომბერს გამოვა.
Joker: Folie à Deux-ის მთავარი როლის შემსრულებელი ერთადერთი და განუმეორებელი ხოაკინ ფექნისი იქნება, რომლის შესრულებამაც ტოდ ფილიპსის პირველ ნაწილში, ყველაზე კრიტიკული მაყურებლის მოწონებაც კი დაიმსახურა, რომ აღარაფერი ვთქვათ კრიტიკოსების დადებით გამოხმაურებებზე.
უკვე ოფიციალურად, ხოაკინ ფენიქსს პარტნიორობას ლედი გაგაც გაუწევს. მიუხედავად იმისა, რომ Joker: Folie à Deux-ში გაგას სავარაუდო მონაწილეობაზე ინფორმაცია ივნისში გავრცელდა, მან სიახლე მხოლოდ ახლა, სოციალური ქსელების მეშვეობით დაადასტურა. Instagram-ზე გამოქვეყნებული რამდენიმე წამიანი ვიდეო იმასაც ამტკიცებს, რომ Joker-ის მეორე ნაწილთან დაკავშირებული კიდევ ერთი ჭორი გამართლდა - სექუელი ნამდვილად მიუზიკლი იქნება, რაც ერთდროულად დამაინტრიგებელი და შოკისმომგვრელია.
დიდი ალბათობით, ლედი გაგა, ცნობილი კომიქსების კიდევ ერთი საყვარელი პერსონაჟის ჰარლი ქუინის როლს მოირგებს და მხოლოდ იმის წარმოდგენაც კი თუ რა ტანდემს შემოგვთავაზებენ ხოაკინი და გაგა ერთად ეკრანებზე უკვე ჟრუანტელის მომგვრელია.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
