ვენსდეი ადამსი მზადაა, რომ თავზარი დაგცეთ. 30-იან წლებში The New Yorker-თვის შექმნილი ილუსტრაციის გმირები ეკრანს ახალი ტელესერიალით უბრუნდებიან, რომელშიც სიუჟეტის მთავარი გმირი ოჯახის შუათანა ქალიშვილი - ვენსდეი ადამსია. Netflix-მა სერიალის ტრეილერი 17 აგვისტოს გამოაქვეყნა.
ასევე გავრცელდა მოქმედი გმირების ფოტოებიც და უნდა აღინიშნოს, რომ კასტინგი უმაღლეს დონეზეა ჩატარებული. დედა ადამსის როლში კეტრინ ზეტა ჯონსი გვევლინება, ხოლო მამის როლს ლუის გუსმანი ასრულებს. ადამსების უმცროსი ვაჟი ისააკ ორდონეზია, ხოლო სერიალის მთავარი გმირი - ვენსდეი ადამსი ამჯერად ჯენა ორტეგას სახით წარდგება მაყურებლის წინაშე.
ადამსების ოჯახი წლების მანძილზე უამრავ მედია პროექტად ადაპტირდა, მათ შორის 90-იანი წლების ფრენჩაიზად, რომელშიც ვენსდეის როლს კრისტინა რიჩი ასრულებდა.
2019 წლის ანიმაციურ ფილმში კი ადამსების ქალიშვილს ქლოე გრეის მორეცი ახმოვანებდა. მიუხედავად იმისა, რომ ადამსების უკვე არა ერთი ვერსია გვაქვს ნანახი, Netflix-მდე ვენსდეის პერსონაჟის წინა ფლანგზე წამოწევა აქამდე არავის მოუფიქრებია. სერიალის სიუჟეტის მიხედვით უკვე არა ერთი სკოლიდან გარიცხული ვენსდეი მშობლებს ნევერვეის აკადემიაში მიჰყავთ, სადაც მან თავი საკუთარ სახლში უნდა იგრძნოს, თუმცა ყველაფერი პირიქით ხდება.
Netflix-მა უკვე დაადასტურა, რომ Wednesday-ის პრემიერა 2022 წლის შემოდგომაზე გაიმართება, თუმცა ზუსტი თარიღი ჯერ-ჯერობით არაა ცნობილი. პირველი სეზონი რვა ეპიზოდისგან შედგება, რომლებიც სავარაუდოდ ერთ დღეს გამოვა.
რაც შეეხება სერიალის მთავარ გმირს, ჯენა ორტეგამ ახალი პროექტის შესახებ მიმდევრებს საკუთარი Instagram გვერდის საშუალებით ამცნო. მსახიობმა ფოტო გამოაქვეყნა, სადაც ხელში სერიალის სცენარი უჭირავს:
იმედი მაქვს ვენსდეი ადამსისთვის სამართლიანობის აღდგენას
19 წლის ორტეგა ეკრანზე ადრეული ასაკიდან გამოჩნდა, თუმცა ფართო საზოგადოებამ მსახიობი ისეთი პროექტებით გაიცნო, როგორებიცაა The CW, Jane the Virgin და 2021 წლის ფილმი - The Fallout.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.