პირველი სეზონის გამოსვლიდან ორი წლის შემდეგ, You ეკრანებს მესამე ნაწილით უბრუნდება. ჯო გოლდბერგის (პენ ბედგლის) არანორმალური მიდრეკილებები მკვლელობებისკენ და სიყვარულის ძიების დაუძლეველი სურვილი გრძელდება, თუმცა სანამ ახალი სეზონის დეტალებზე დავიწყებდეთ საუბარს, ჯოს უკანასკნელი თავგადასავალი გავიხსენოთ.
მეორე სეზონის დამაინტრიგებელი სიყვარულის ისტორია, ჯოს ლოს-ანჯელესში გამოჩენისთანავე დაიწყო, რა თქმა უნდა, მისთვის ეს ერთი ნახვით შეყვარებას ჰგავდა და ლავი ქუინის (ვიქტორია პედრეტის) გულის მოგება მთავარმა პერსონაჟმა კვლავინდებური მანიაკალური მეთოდებით დაიწყო, თუმცა ამჯერად მის მცდელობებს წინაღობის გარეშე არ ჩაუვლია და მოულოდნელად ჯოს ცხოვრებაში წარსულმა იჩინა თავი.
ირონიულად ჟღერს, თუმცა სიყვარულმა ყველა დაბრკოლება გადალახა, შოკისმომგვრელმა სიუჟეტმა ბევრ დეტალს ახადა ფარდა და ახლა ჯო გოლდბერგი მამობისთვის ემზადება, Netflix-ის მიერ გავრცელებულ ახალ თიზერში კი საკმაოდ დამაინტრიგებელი დეტალები იკვეთება.
დავიწყოთ იმით, რომ You ეკრანებს ოქტომბრის თვეში დაუბრუნდება, დიდი პრემიერა Netflix-ზე 15 ოქტრომბერსაა ჩანიშნული. როგორც თიზერიდან ვიგებთ, ჯო გოლდბერგი მამობისთვის დიდი ენთუზიაზმით ემზადება, მიუხედავად იმისა, რომ მას მთელი გულით სურდა მისი შვილი გოგონა და არა ბიჭი და ამასთანავე მისი მცირე ვერსია ყოფილიყო, ცხოვრებამ მას ეს სიმშვიდე არ მიანიჭა და ჯომაც ვაჟისთვის სახელი ჰენრი შეარჩია.
მესამე სეზონში მოვლენები კალიფორნიაში განვითარდება, თიზერიდან უკვე შევიტყვეთ, რომ ჯო მამობას სერიოზულად უყურებს, თუმცა როგორი იქნება მისი და ლავის სიყვარულის ისტორიის გაგრძელება და რა სიგიჟეს მალავენ ისინი ნიღბების მიღმა, ამას ოქტომბერში შევიტყობთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
