| ნინა სიმსივე |
39 წლიანი კარიერის შემდეგ, ბელგიელმა დიზაინერმა მოღვაწეობის ერა საფრანგეთში, პარიზში მამაკაცის მოდის კვირეულზე დაასრულა და ეს ბელგიელი დიზაინერის გედის სიმღერა იყო.
ის, რომ 22 ივნისს, პარიზის მოდის კვირეულზე დრის ვან ნოტენის ბოლო კოლექციას ვიხილავდით, მოდის სამყაროსთვის სიახლე არ ყოფილა. რამდენიმე თვის წინ, დიზაინერმა მსოფლიო მოდა გააოცა განცხადებით, რომ საკუთარი ლეიბლის მოდის სახლს ტოვებდა: „ჩემი ოცნება, მოდაში ჩემი კვალი დამეტოვებინა, ახდა! ახლა მსურს დავკავდე იმით, რისთვისაც დრო არასდროს მქონდა“.
ბელგიელი დიზაინერის ერთგულ გულშემატკივრებს ეცოდინებათ, რომ მას მცენარეების უზარმაზარი ბაღი აქვს და ყველაზე დიდ სიამოვნებას მათი მოვლით იღებს. დრის ვან ნოტენი მთელ თავისუფალ დროს სწორედ ამ მცენარეების მოვლას უძღვნის. კოლექციების თუ კარგად დააკვირდებით, მიხვდებით რამდენად მნიშვნელოვანი საკუთარი მცენარეების ბაღი დიზაინერისთვის და ინსპირაციის რამხელა წყაროა.
დრინს ვან ნოტენს თავისუფლება უყვარს და მისი სწრაფვა თავისუფლებისკენ კოლექციებში კარგად ჩანს. ამ შეგრძნებას კი ამძაფრებს მცენარეების პრინტები, თითქოს ერთმანეთთან შეუსაბამო საოცარი ფერები, უცხო ქსოვილები.
პარიზის მოდის კვირეულზე წარმოდგენილი კოლექცია კი დრის ვან ნოტენის საოცარი ეპოქის ერთგვარი შეჯამებაა. ეს მისი დიდებული კარიერის გამოძახილია, გედის სიმღერაა, დამშვიდობება, მაგრამ არა სევდიანი, არამედ პირიქით, შოუს ყველა დეტალში ნათელი მომავალი იკითხება.
ეს კოლექცია დრის ვან ნოტენის გედის სიმღერაა
რაც შეეხება უშუალოდ ჩვენებას, სცენაზე მეტალის ტექსტურის დეტალები ეყარა, სიღრმეში კი უზარმაზარი ბრჭყვიალა, სარკეებიანი ბურთი იყო ჩამოკიდებული და მიღებულ სინათლეს მთელ სივრცეში აფრქვევდა. პროექტორის მეშვეობით დამსწრე საზოგადოებას შეეძლო დრის ვან ნოტენის წარსულის შედევრებისთვის შეევლო თვალი. როგორც ყოველთვის, კოლექცია დახვეწილი და ორიგინალური იყო. ფართომასშტაბიანი ბოტანიკური მოტივები სუმინაგაშის საშუალებით იყო გადმოცემული, რომელიც იაპონური მარმარილოს ტრადიციული ტექნიკაა და 1000 წლითა დათარიღებული.
კოლექციის შთაგონებად დრის ვან ნოტენმა ბელგიელი არტისტი ედიტ დეკინდტი დაასახელა. ამიტომ ჩვენებაზე გამჭვირვალე სამოსის არსებობა მოულოდნელი არ იყო. ფერები უმეტეს წილად ხასიათის შესაფერისი - მუქი და ემოციური.
მთელი ჩვენების მანძილზე ნოსტალგიური ტალღა იგრძნობოდა და სუფევდა შეგრძნება, რომ რაღაც დიდის დასასრულის დამსწრენი ვიყავით. ჩვენება 62 წლის მოდელმა ალენ გოსუინმა გახსნა, რომელიც დიზაინერის სულ პირველ ჩვენებაზეც გახლდათ, რამაც კიდევ უფრო მეტი დრამა შესძინა საღამოს. მუსიკა შესანიშნავად ეხამებოდა კოლექციას, წყნარი და ემოციური, დევიდ ბოუვის კომპოზიციიდან აღებული ელემენტებით.
ეს იყო ნოსტალგიური საღამო, სადაც მაღალი საზოგადოება და მათ შორის დიზაინერის ძველი მეგობრები შეიკრიბნენ და დრის ვან ნოტენის დიზაინერულ კარიერას გამოემშვიდობნენ. საინტერესოა ვინ ჩაანაცვლებს მას საკუთარი სახელობის ბრენდის მხატვრული დირექტორის პოზიციაზე.
ზაფხული ახლოვდება და ყველა იმაზე ვფიქრობთ, სად გავექცეთ ქალაქის სიცხეს და სწრაფ რიტმს. The Diary–ს Cover Story–ში სწორედ ასეთ განტვირთვაზე, ქალაქგარეთ გასვლასა და დასვენებაზე ვსაუბრობთ. ჩვენი მთავარი გმირები კი მოდელი ანნა შელია და ყოფილი მორაგბე ლაშა ლომიძე არიან.
ლენი კრავიცის პარიზული რეზიდენცია Hotel de Roxy ფრანგული არქიტექტურის, პირადი ისტორიებისა და მუსიკალური მემკვიდრეობის ერთგვარი სინთეზია. 1920-იან წლებში აგებული ვილა დღეს უკვე ლენის ხელწერით გაფორმებული სივრცეა, სადაც იხილავთ ხელოვნების ნიმუშებს, ოჯახურ რელიქვიებსა და მუსიკოსის გრემის ჯილდოებს. სახლი, რომელიც ლენიმ დედამისს მიუძღვნა, სიმბოლურად როქსის ოცნების ასრულებად იქცა.
როცა დღეები ღამეზე გრძელია და ქალაქის პარკები მზის მოყვარულებით ივსება, ჰარი სტაილზიც „გამოიზაფხულებს“ ხოლმე, ივიწყებს მსოფლიო პოპ ვარსკვლავის სტატუსს და ქუჩებში ისე გადაადგილდება, თითქოს ჩვეულებრივი ლონდონელი იყოს.
