სულ რამდენიმე საათის წინ Casa Mapalarte-ში ჟაკმუსის საიუბილეო ჩვენება გაიმართა, რომელსაც მოდის მოყვარულები მოუთმენლად ველოდით. ჟაკმუსისთვის მოდის ინდუსტრიის ეპიცენტრში ყოფნა უცხო არ არის - ამჯერად დიზაინერმა ზღაპრული, იტალიური ზაფხულის თემატიკით მოგვხიბლა. La Casa რეტროსპექტიული კოლექციაა, რომელიც ფრანგული მოდის სახლის 15 წლიან ისტორიას მიუყვება და ბრენდის მთავარ შტრიხებს ხმელთაშუაზღვისპირულ ესთეტიკასთან აერთიანებს.
ბრენდის ფერადი და დახვეწილი ტანისამოსი განსაკუთრებით უხდება კაპრის, Casa Malaparte-ს და მის გარშემო არსებულ ტირენიის ზღვას. სიმო პორტ ჟაკმუსმა ისტორიული ნაგებობის კიბეები და სახურავი ცნობილი თუ დამწყები მოდელების პოდიუმად აქცია. ჩვენებას ჟან-ლუკ გოდარის ფილმის “Le Mepris” საუნდტრეკი სახელად “Capri” გასდევდა თან. სწორედ იმ ფილმის, რომელიც კურციო მალაპარტეს სახლშია გადაღებული.
მოდელებმა ჩვენების ორმოციოდე სტუმართან შესახვედრად Casa Malaparte-ს ზუსტად 99 საფეხური აიარეს. ჩვენების ერთ-ერთი ვარსკვლავი კორეელი მსახიობი და მომღერალი, ჯენი კიმი გახლდათ. ჯენიმ მეთ გალასა და კანის კინოფესტივალის წითელ ხალიჩაზე ყველას დაგვამახსოვრა თავი, გარდა ამისა, შანელის და კელვინ კლაინის ბრენდების ამბასადორიც გახდა. დღეიდან კი მის რეზიუმეს მოდელის სტატუსიც მიეწერება. ჟაკმუსთან მეგობრობის გამო, ჯენი კიმს ჩვენების მოკრძალებულ სტუმართა სიაში ელოდნენ, თუმცა სწორედ მან დახურა Casa Malaparte-ზე გამართული საიუბილეო ჩვენება. Blackpink-ის მომღერალი ტერაკოტისფერ სახურავზე უბრალო, თუმცა, ელეგანტური შავი კაბით წარსდგა, რომელსაც დიზაინერმა ფირუზისფერი ჩანთა და ზებრას პრინტით გაწყობილი ფეხსაცმელი შეუხამა.
იტალიის კუნძულზე გამართულ ჩვენებაზე მონიკა ბელუჩისა და ვენსან კასელის უფროსი ქალიშვილი - დევა კასელი თეთრი ნახევრად გამჭვირვალე კაბით, თეთრი თავსაბურავითა და ყვითელი მზის სათვალით წარდგა.
დაუვიწყარი ჩვენების სანახავად, ჟაკმუსის სტუმრები Casa Malaparte-ზე კერძო ნავებით გადაიყვანეს. აღსანიშნავია, რომ ჩვენებას სულ რაღაც 40 ადამიანი ესწრებოდა და მათ შორის გვინეტ პელტროუ, ტინა კუნაკი, დუა ლიპა, მანუ რიოსი და როზი ჰანტინგტონ უიტლიც იყვნენ. 104 ფუტის სიმაღლის კლდოვან ნაპირზე ფრანგმა დიზაინერმა სიმშვიდით, სილამაზითა და იტალიური სულით გაჟღენთილი ჩვენება წარმოგვიდგინა, რომელიც ზაფხულის კაპრიზე გატარებას გვანდომებს. ფრანგული მოდის სახლი უკვე 15 წელია არა მხოლოდ ორიგინალური და თვალისმომჭრელი ტანისამოსის შემქმნელი, არამედ გასაოცარი მარკეტინგული კამპანიებით გვამახსოვრებს თავს.
ზაფხული ახლოვდება და ყველა იმაზე ვფიქრობთ, სად გავექცეთ ქალაქის სიცხეს და სწრაფ რიტმს. The Diary–ს Cover Story–ში სწორედ ასეთ განტვირთვაზე, ქალაქგარეთ გასვლასა და დასვენებაზე ვსაუბრობთ. ჩვენი მთავარი გმირები კი მოდელი ანნა შელია და ყოფილი მორაგბე ლაშა ლომიძე არიან.
ლენი კრავიცის პარიზული რეზიდენცია Hotel de Roxy ფრანგული არქიტექტურის, პირადი ისტორიებისა და მუსიკალური მემკვიდრეობის ერთგვარი სინთეზია. 1920-იან წლებში აგებული ვილა დღეს უკვე ლენის ხელწერით გაფორმებული სივრცეა, სადაც იხილავთ ხელოვნების ნიმუშებს, ოჯახურ რელიქვიებსა და მუსიკოსის გრემის ჯილდოებს. სახლი, რომელიც ლენიმ დედამისს მიუძღვნა, სიმბოლურად როქსის ოცნების ასრულებად იქცა.
როცა დღეები ღამეზე გრძელია და ქალაქის პარკები მზის მოყვარულებით ივსება, ჰარი სტაილზიც „გამოიზაფხულებს“ ხოლმე, ივიწყებს მსოფლიო პოპ ვარსკვლავის სტატუსს და ქუჩებში ისე გადაადგილდება, თითქოს ჩვეულებრივი ლონდონელი იყოს.
