პირველი თოვლის მოსვლა საქართველოს უკვე არა ერთ კუთხეში იზეიმეს, ეს კი იმას ნიშნავს, რომ დროა პატარები სუსხიანი სეზონისთვის საჭირო აღჭურვილობით მოვამარაგოთ. The Diary-ის რედაქცია ამჯერად გერმანულ ბრენდს, WeeDo Funwear-ს გაგაცნობთ, რომელიც ერთდროულად ფუნქციურობით, მდგრადობითა და მრავალფეროვანი დიზაინით გამოირჩევა.
ბრენდის მთავარი მისია ბავშვებისთვის მაღალი ხარისხის, პრაქტიკული და ეკოლოგიურად სუფთა ტანსაცმლის წარმოებაა, რომელიც მათ ქარისგან, წვიმისგან და თოვლისგან იცავს, ხოლო მხიარული და ფერადი დიზაინი მათი წარმოსახვის განვითარებას უწყობს ხელს.
WeeDo-ს უპირატესობები:
WeeDo-ს კომბინეზონებში „ჩემთან-ერთად-ზრდის" სისტემაა გამოყენებული, რომლის წყალობითაც ტანსაცმელი ბავშვთან ერთად იზრდება და შესაბამისად, მისი გამოყენება რამდენიმე წლის მანძილზეა შესაძლებელი. კომბინეზონების გამორჩეულ მახასიათებლებს შორისაა საპირფარეშოში სწრაფი შესვენებისთვის განკუთვნილი ელვა-შესაკრავები, რეგულირებადი კაპიუშონი და მარტივად გამოსაყენებელი ჯიბეები. გარე ქსოვილებში გამოყენებულია მდგრადი წყლისგან დამცავი დამუშავება (DWR), რაც ტანსაცმლის წყალგაუმტარობასა და სუნთქვის უნარს უზრუნველყოფს.
ბრენდი დიდ ყურადღებას აქცევს ეკოლოგიურობას და მდგრადობას.
კომბინეზონებში გამოყენებული მასალების 50%-ზე მეტი გადამუშავებულია, რაც ნედლეულის მოხმარებას და გარემოზე ზიანის მიყენების საშიშროებას ამცირებს. რაც შეეხება გამორჩეულ დიზაინს: WeeDo Funwear-ის პროდუქცია სხვადასხვა ფერებსა და დიზაინებშია ხელმისაწვდომი, რომლებიც ცხოველებით, მითოლოგიური არსებებითა და მონსტრებითაა შთაგონებული.
როგორ მოვუაროთ?
WeeDo-ს ტანსაცმლის მოვლა მარტივია და არ საჭიროებს განსაკუთრებულ ძალისხმევას. რეკომენდებულია კომბინეზონების გარეცხვა მხოლოდ საჭიროების შემთხვევაში, რათა გაუფრთხილდეთ გარემოს. პატარა ლაქები შეიძლება მოაშოროთ სველი ტილოთი, ხოლო გასანიავებლად კომბინეზონი შეგიძლიათ რამდენიმე საათით გაფინოთ გარეთ. სარეცხი მანქანით გარეცხვისას რეკომენდებულია გამოვიყენოთ ნაზი პროგრამა მაქსიმუმ 30 გრადუსზე.
WeeDo Funwear-ის ტანსაცმელი იდეალურია ზამთრის სპორტისთვის, სათხილამუროდ, სნოუბორდისთვის და სხვა გარე აქტივობებისთვის, შესაბამისად კაპიუშონები ჩაფხუტის სტანდარტულ ზომებზეა მორგებული. მათი წყალგაუმტარი და სუნთქვადი მასალები ბავშვების კომფორტსა და დაცვას ნებისმიერ ამინდში უზრუნველყოფს.
და ბოლოს, სად შევიძინოთ:
WeeDo Funwear-ის პროდუქცია საქართველოში ონლაინ მაღაზია CampShare-ზეა ხელმისაწვდომია, სადაც თქვენი ბავშვისთვის შესაფერისი კომბინეზონის, ან სხვა გარე ტანსაცმლის შერჩევა შეგიძლიათ. ასევე, შესაძლებელია ესტუმროთ ბუდაპეშტის 38-ში მდებარე მაღაზიას და თავად მოაზომოთ თქვენ პატარებს კოსტიუმები.
თბილისიდან სულ რაღაც ერთი საათის სავალზე „შატო მერე“ მდებარეობს - თანამედროვეობისა და ტრადიციების სინთეზით შექმნილი სივრცე, რომელიც სასიამოვნო დასვენებას გვპირდება. შატო მერე 10 მაისს ნოდარიკო ხუციშვილის კონცერტს უმასპინძლებს და ქალაქის ხმაურით გადაღლილ, სიმშვიდეს მოწყურებულ სტუმრებს ელოდება.
შანელის 2025/26 წლის კრუიზის კოლექცია კომოს ტბის ფონზე, იტალიურ ვილაში წარადგინეს. შოუზე ვიხილეთ შანელის შავ-თეთრ ფერებში გამოწყობილი ქართველი მოდელებიც - მატილდა გვარლიანი და ნასტასია ლეგრან-ბაბლუანი.
იტალიური ფილერების ხაზი Stylema იმ იშვიათ პროდუქტებს შორისაა, რომლებიც საქართველოში MDR სერტიფიკატით გამოიყენება. იგი სრულად აკმაყოფილებს ევროკავშირის უსაფრთხოების და ხარისხის უმაღლეს სტანდარტებს. Stylema-ს ექსკლუზიური დისტრიბუტორია კომპანია „სკინოთეკა“.
