2025 წლის კანის კინოფესტივალზე მსოფლიოს ყველაზე გაბედულმა, სოციალური და პოლიტიკური თემებით დატვირთულმა და ვიზუალურად გამორჩეულმა კინოსურათებმა მოიყარა თავი. ფესტივალის მთავარ კონკურსში წელს 22 ფილმი მონაწილეობს, მათ შორის არის როგორც კანის ფესტივალისთვის უკვე ცნობილი ავტორების, ასევე დებიუტანტი რეჟისორების ნამუშევრები.
წელს მთავარი პრიზისთვის მარათონში მეოთხედ მონაწილეობს უეს ანდერსონი, ახალი ფილმით The Phoenician Scheme. რეჟისორმა მთელი ფილმი თავისი ხელწერით – პასტელური ფერებითა და მხატვრული კადრებით შექმნა.
ფილმში მთავარ როლებს ჰოლივუდის ვარსკვლავები ასრულებენ – ტომ ჰენქსი, სკარლეტ იოჰანსონი, ბენედიქტ კამბერბეჩი, რუპერტ ფრენდი და სხვები. ისტორია კი მილიარდერი Zsa-zsa Korda-ს ირგვლივ ვითარდება, რომელიც მოულოდნელად გადაწყვეტს, რომ საკუთარი ბიზნესი ერთადერთ ქალიშვილს, მონაზონ გოგონას უანდერძოს. სწორედ ამ გადაწყვეტილების შემდეგ იწყება დიდი დაპირისპირებების სერია, ტერორისტული თავდასხმები თუ დასმენები. მალე გავიგებთ, მოუტანს თუ არა ეს ფილმი ანდერსონს ნანატრ ოქროს პალმის რტოს.
კონკურსში მონაწილეობას იღებს რიჩარდ ლინკლეიტერიც. მისი ახალი ნამუშევარი Nouvelle Vague ფრანგი რეჟისორის, ჟან-ლიუკ გოდარის შესახებ მოგვითხრობს. ფილმში ცოცხლდება 1959 წლის კანის ფესტივალი, „ფრანგული ახალი ტალღის“ საწყისი ეტაპი და გოდარი, რომელიც თავისი პირველი ფილმის, Breathless-ის გადაღების პროცესშია. ამერიკელი რეჟისორი ფილმს ფრანგულ ენაზე გვთავაზობს.
ფესტივალზე ბრუნდება ჟულია დიუკურნოც. მისი ახალი ფილმი Alpha 13 წლის გოგონაზე მოგვითხრობს. ფილმში მთავარ როლებს მელისა ბოროსი, ტაჰარ რაჰიმი, გოლშიფტე ფარაჰანი, ემა მაკი ასრულებენ. დიუკურნოს უკვე აქვს ოქროს პალმის რტო ფილმისთვის Titane – ვნახოთ, ისევ მოიპოვებს თუ არა იგი ამ წარმატებას.
კონკურსის მონაწილე ლინ რემსის ფილმი Die, My Love არიანა ჰარვიცის რომანს ეფუძნება, სადაც მთავარი გმირი მშობიარობის შემდგომ დეპრესიას ებრძვის. ეს არის ისტორია ქალზე, რომელიც იზოლირებულ სოფელში ცხოვრობს, ოჯახი ენგრევა და დეპრესიაშია ჩაძირული. დედობის, მენტალური პრობლემებისა და შინაგანი წნეხის თემებით გაჯერებული ფილმის მთავარ როლებში ჯენიფერ ლოურენსი და რობერტ პატინსონსი არიან.
მთავარი კონკურსის მონაწილე რეჟისორი, სერგეი ლოზნიცა, ფილმში Two Prosecutors დოკუმენტურ კინოსა და ტრილერის ჟანრს აერთიანებს. სიუჟეტი სტალინის „დიდი ტერორის“ ეპოქაში ვითარდება, მთავარი გმირი კი პროკურორია, რომელიც უდიდეს რისკზე მიდის, რათა დამალულ სიმართლეს ახადოს ფარდა. ფილმის სცენარი გეორგი დემიდოვის რომანზეა დაფუძნებული.
კინოფესტივალის მთავარი პრიზისთვისაა ნომინირებულია ჯაფარ პანაჰის ახალ ფილმიც – A Simple Accident. ირანელი რეჟისორი, რომელსაც ირანის სასამართლომ 20 წლით შემოქმედებითი საქმიანობა აუკრძალა, ამჯერადაც არ ღალატობს თავის სტილს და მაყურებელს კიდევ ერთხელ ახედებს ირანული სამყაროს სიღრმეებში. რეჟისორის გარშემო არსებული პოლიტიკური დაძაბულობის გამო, ფილმის შინაარსის დეტალები ჯერ-ჯერობით უცნობია. A Simple Accident-ის პრემიერა 20 მაისს შედგება.
კიდევ ერთი საინტერესო კინოსურათია ოლივერ ჰერმანუსის The History of Sound, რომელიც ორი მამაკაცის სიყვარულის ისტორიაზე მოგვითხრობს. სცენარის მიხედვით, ამერიკელი მომღერალი ლიონელი სასწავლებლად ბოსტონის კონსერვატორიაში მიემგზავრება, სადაც დევიდს გაიცნობს. მათი კავშირი პირველი მსოფლიო ომის დაწყებისას წყდება, თუმცა წლების შემდეგ ისინი კვლავ ხვდებიან ერთმანეთს და მივიწყების ზღვარზე მყოფი ამერიკული ხალხური სიმღერების შეგროვებას იწყებენ.
პალმის რტოსთვის იბრძოლებს ოლივერ ლაქსის Sirat-იც. ფილმი მაროკოს უდაბნოში მამა-შვილის მოგზაურობის ისტორიას მოგვითხრობს. ისინი დაკარგული გოგონას კვალს ადგანან და მის ძიებაში თავადაც ფიზიკური და სულიერი ინიციაციის გზას გადიან.
კანის საერთაშორისო კინოფესტივალი 13 მაისს დაიწყო და 25 მაისს დასრულდება. წელს კინოფესტივალის ჟიურის პრეზიდენტი ფრანგი მსახიობი, ჟულიეტ ბინოში, გახლავთ.
მთავარი კონკურსის მონაწილე ფილმების სრული სია ასე გამოიყურება:
სალომე ბენიძის პიესა „მარო“ გერმანული გამომცემლობის, AvivA-ს ხელშია. გერმანულ თარგმანზე იუნონა გურული იმუშავებს. AvivA Verlag არის გამომცემლობა, რომელიც მივიწყებული საგანძურისა და მსოფლიო ლიტერატურის განსაკუთრებული ქალების ძიებაშია. რა გასაკვირია, რომ ამ გზაზე გამომცემლობამ მარო მაყაშვილი და სალომე ბენიძე აღმოაჩინა.
2025 წელი კინომოყვარულებისთვის სავსეა საინტერესო პრემიერებით. The Diary გთავაზობთ იმ კინოსურათების სიას, რომელთა დიდ ეკრანებზე გამოჩენაც 2025 წლის დარჩენილ თვეებშია დაგეგმილი.
3 მაისს ბრაზილიაში ლედი გაგას ისტორიული დაბრუნება ვიხილეთ. რიოში, კოპაკაბანას სანაპიროზე ლედი გაგას კონცერტისთვის 2,5 მილიონი მსმენელი შეიკრიბა. კონცერტზე პოპვარსკვლავმა მსოფლიო და პირადი რეკორდებიც კი მოხსნა.
