კინოაკადემიის ახალმა დირექტორმა, კინოს სახლში დაგეგმილი, სალომე ჯაშის დოკუმენტური ფილმის „მოთვინიერების“ ჩვენებები გააუქმა. ინფორმაციას თავად რეჟისორი სალომე ჯაში საკუთარ Facebook გვერდზე აქვეყნებს.
„მიზეზი, რომელიც დირქტორს მინდია ესაძეს აქვს, ისაა, რომ მათთვის მიუღებელია აჩვენონ „ნაწარმოები, რომელიც აზრთა სხვაობას იწვევს და საზოგადოებას პოლიტიკური ნიშნით ყოფს“ - წერს სალომე პოსტში.
„მოთვინიერების“ აღწერაში ვკითხულობთ: საქართველოს უმდიდრეს და ყველაზე ძლევამოსილ ადამიანს უჩვეული გატაცება აქვს: უზარამაზარ, საუკუნოვან ხეებს აგროვებს. მისი დავალებით ხეებს ზღვისპირეთიდან თხრიან და ხელოვნურად გაშენებულ დენდროლოგიურ პარკში გადააქვთ. ულამაზესი ხეების მოგზაურობის მომაჯადოვებელი სურათის ფონზე იკვეთება ადამიანის მიერ ბუნების მოთვინიერების თემა და სხვა უნივერსალური საკითხები.
კინოს სახლში „მოთვინიერების“ სეანსების გაუქმების შესახებ ინფორმაციის გავრცელების შემდეგ, დოკუმენტური ფილმის ჩვენება სხვადასხვა ლოკაციაზე დაიგეგმა. 2, 3, 4 მაისს 20:00 საათზე ფილმის ჩვენება ჰარაკი • Haraki-ში შედგება, 5 მაისს კი „მოთვინიერებას“ კაფე მზიური • Cafe Mziuri უმასპინძლებს.
„მოთვინიერება“ ნომინირებული იყო ევროპის კინოაკადემიის ჯილდოზე. მისი პრემიერა შედგა სანდენსის კინოფესტივალსა და ბერლინალე ფორუმზე.
3 მაისს ბრაზილიაში ლედი გაგას ისტორიული დაბრუნება ვიხილეთ. რიოში, კოპაკაბანას სანაპიროზე ლედი გაგას კონცერტისთვის 2,5 მილიონი მსმენელი შეიკრიბა. კონცერტზე პოპვარსკვლავმა მსოფლიო და პირადი რეკორდებიც კი მოხსნა.
მეორე სეზონი ახალი თავგადასავლებით და საიდუმლოებითაა სავსე. მოინიშნეთ კალენდარში 6 აგვისტო, ოთხშაბათი. Nevermore-ის ახალი სემესტრი ქაოსით, ზებუნებრივი ძალებითა და ჩვეული შავ-ბნელი იუმორით გვიახლოვდება.
Coachella 2025 დაუვიწყარი პერფორმანსებითა და ვარსკვლავური ლუქებით დაგვამახსოვრდა — ლედი გაგას შოუ, ბენსონ ბუნისა და ბრაიან მეის დუეტი, მეგან თი სტალიონის ფემინისტური პერფორმანსი თუ K-pop ვარსკვლავების ტრიუმფი სცენაზე. The Diary ფესტივალის საუკეთესო მომენტებზე მოგიყვებათ.
