წარმოშობით ქართველი რეჟისორის - ლევან აკინის ფილმმა „გზაჯვარედინი” (“Crossing”) „ბერლინალეს” პანორამის სექციის ჟიურის პრიზი „საუკეთესო სამსახიობო გუნდისთვის” (Teddy Jury Award: Ensemble Cast) მოიპოვა. წლევანდელი „ბერლინალეს” პანორამის სექცია სწორედ აკინის ნამუშევრით გაიხსნა.
თუ სტამბოლში ერთხელ მაინც ხართ ნამყოფი, ხმაურიანი ქალაქის მკვიდრი კატების რაოდენობითაც აუცილებლად გაოგნდებოდით, თითოეულ კუთხეში, მაღაზიაში, შენობის ძირში, თუ სანაპიროზე რომ დაბორიალობენ. ამ ფენომენის ინსპირაციით 2016 წელს დოკუმენტური ფილმიც კი შეიქმნა, სახელწოდებით “Kedi”. თუმცა, მეტროპოლისში ოთხფეხა ბინადრებთან ერთად, ორფეხა სულებიც მრავლადაა. ისინი, სანამ შეამჩნევ უხილავებად რომ რჩებიან და ჩუმად აგრძელებენ ცხოვრებას.
თუ კარგად დააკვირდებით, შეუძლებელია ვერ შეამჩნიოთ უსახლკარო ბავშვები, სექს მუშაკები, ქუჩის გამყიდველები, თუ ემიგრანტები, რომლებიც გადარჩენისთვის ყოველდღიურად იბრძვიან.
ლევან აკინის ახალი ფილმის მთავარი მიზანი ჩვენი მზერის სწორედ იმ მხარეს მიპყრობაა, რომელსაც ხშირად თვალს ვარიდებთ, ან უბრალოდ ვერც კი ვამჩნევთ. “გზაჯვარედინი” აჭარის ერთი სოფლის ყოფილ მასწავლებელზე, პენსიონერ ლიაზე (მზია არაბულის შესრულებით) მოგვითხრობს, რომელიც გარდაცვლილი დის უკანასკნელი სურვილის შესრულებას ცდილობს და სტამბოლში თავისი დაკარგული ტრანსგენდერი დისშვილის, თეკლას საპოვნელად მიემგზავრება. ბათუმიდან სტამბოლისკენ მიმავალს გზად 25 წლის აჩი (კანკავას შესრულებით) ხვდება, რომელიც ფიზიკურ და ემოციურ მოგზაურობაში ლიას თანამგზავრი ხდება.
ფილმის მსვლელობისას ჩნდება კითხვა, სურს თუ არა თეკლას, რომ მას საერთოდ მიაგნონ?! რეჟისორის ჩანაფიქრი სურათის დასაწყისშივე იკითხება. ფილმი თავიდანვე აცნობებს მაყურებელს, რომ ქართული და თურქული გენდერულად ნეიტრალური ენებია. მიუხედავად იმისა, რომ ეს თემა ფილმში ნახსენები არაა, ერდოღანის მთავრობის ანტი LGBT დღის წესრიგი დრამას და მასში მკაფიოდ ნაჩვენებ თანაგრძნობის გზავნილს კიდევ უფრო მეტად მატებს წონას.
უმაღლესი შეფასებები აქვს ფილმში მზია არაბულის შესრულებას, რომელიც არნახული ოსტატობით განასახიერებს მისი გმირის თაობისთვის დამახასიათებელ, სინანულით გაჟღენთილ, თუმცა მონანიების გზაზე მდგომ პერსონაჟს. ასევე, აუცილებლად უნდა აღინიშნოს ლუკა კანკავას შესრულება. ეს უკანასკნელი არაპროფესიონალი მსახიობია, რომელსაც კინოში დიდ მომავალს უწინასწარმეტყველებენ.
შეგახსენებთ, რომ ლევან აკინი არაერთი მხატვრული ფილმისა და ტელესერიალის ავტორია. მათ შორისაა ფართოდ გახმაურებული LGBTQ დრამა - And then we danced.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.