დიდხნიანი მზადებისა და ლოდინის შემდეგ, პარიზის ოლიმპიადა 26 ივლისს აიღებს სტარტს. საფრანგეთის დედაქალაქში გამართული სპორტული ღონისძიების ერთ-ერთი სპონსორი მოდის სახლი Louis Vuitton, რაც იმის ნიშანია, რომ მოდისა და სპორტის გადაკვეთას კიდევ ერთხელ ვიხილავთ. აღსანიშნავია, მონაწილე ქვეყნებმა უკვე წარადგინეს სპორტსმენთა უნიფორმები, რომლებიც ცნობილი ბრენდების, მათ შორის რალფ ლორენისა და პუმას მიერაა შექმნილი.
მონღოლეთი
მონაწილე ქვეყნების ფორმები ეროვნულ მოტივებზეა შექმნილი და მათ კულტურასა და ისტორიას წარმოაჩენს. ოლიმპიურმა სამოსი, რომელმაც ხალხის ყველაზე დიდი მოწონება დაიმსახურა, მონღოლური ბრენდია Michel & Amazonka.
მონღოლეთის დედაქალაქსი, ულან-ბატორში დაფუძნებული მოდის სახლის მიერ შექმნილი სამოსი ხალხის რჩეული ტყუილუბრალოდ არ გამხდარა, ის მონღოლური ტრადიციული სამოსისა და თანამედროვე მოდის ტენდენციების ნაზავს წარმოგვიდგენს. მონღოლეთის კომიტეტის ცნობით, თითოეული უნიფორმის შექმნას საშუალოდ 20 საათი დასჭირდა. სამოსს, რომლითაც აზიური ქვეყნის სპორტსმენები გახსნისა და დახურვის ცერემონიალზე წარდგებიან, წარწერა - Go Mongolia Team აქვს ამოქარგული.
საფრანგეთი
საფრანგეთის ოლიმპიური გუნდის უნიფორმა სტეფან ეშპულმა Le Coq Sportif-თან თანამშრომლობით შექმნა. კოლაბორაცია დიზაინერის ინოვაციურ მოდასა და Le Coq Sportif-ის ისტორიულ მემკვიდრეობას აერთიანებს სპორტულ ტანსაცმელში. უნიფორმებზე საფრანგეთის დროშის ლურჯი, თეთრი და წითელი ფერები თანამედროვე გრადაციული დიზაინითაა წარმოდგენილი. სპორტული სამოსი როგორც ვიზუალით, ასევე ფუნქციონალურობითა და კომფორტულობით გამოირჩევა. აღსანიშნავია ისიც, რომ სტეფან ეშპულის სპეციალური მოთხოვნით უნიფორმა ადგილობრივად აწარმოეს, რაც მას ეროვნულ მოტივებს მატებს.
კანადა
კანადურმა სპორტულმა ბრენდმა Lululemon-მა წელს კანადისთვის სრულიად განსხვავებული და ორიგინალური ფორმები შექმნა. ნათელი წითელი პრინტები მაყურებლის ყურადღებას მარტივად იქცევს. ფორმები არა მხოლოდ ვიზუალურადაა გასაოცარი, არამედ კონცეფციითაც, რომლის მეშვეობითაც, ბრენდი სპორტისა და მოდის სამყაროში ადაპტაციურობისა და ხელმისაწვდომობის მნიშვნელობას უსვამს ხაზს. კომპლექტი სხვადასხვა ფორმის სხეულების მხარდასაჭერადაა შექმნილი.
ამერიკა
რალფ ლორენი 2008 წლიდან მოყოლებული ამერიკელ ოლიმპიელთა სამოსს ქმნის. წლევანდელი ფორმაც კლასიკურ ამერიკულ სტილს ეხმიანება, რომლითაც მოდის სახლი ყველაზე ცნობილია. აშშ-ს ათლეტები გახსნის ცერემონიაზე ბრენდი ზოლიანი პერანგით, პიჯაკით, ლურჯი ჰალსტუხითა და ღია ფერის ჯინსით წარდგებიან. დახურვის ცერემონიისთვის კი მრბოლელის სტილის თეთრი ქურთუკებით, გაფორმებული USA - წარწერითა და დროშით. დიზაინებში გამოყენებული წითელი, ლურჯი და თეთრი ფერები ათლეტების ქვეყანას მარტივად გამოსაცნობს ხდის.
აშშ-ს ოლიმპიური და პარაოლიმპიური კომიტეტის აღმასრულებელი დირექტორის სარა ჰირშლენდის თქმით, უნიფორმის თითოეული ნაწილი სიამაყით იწარმოება ამერიკის შეერთებულ შტატებში.
იამაიკა
იამაიკის დროშის ფერების შესანიშნავი კომბინაციით არაერთი ფორმა გვინახავს. ამჯერად შავი, ყვითელი და მწვანე პუმას დიზაინში იყრის თავს.
იამაიკა ოლიმპიადის ერთ-ერთ ყველაზე გამორჩეულ მონაწილედ თავისი მძლეოსანი სპორტსმენებით იქცა, რომლებმაც სამხრეთ ამერიკულ ქვეყანას 86 ოლიმპიური მედალი, მათ შორის, 26 ოქრო, მოუტანეს. პუმას დირექტორმა არნე ფრეუნდტმა აღნიშნა, რომ დიზაინი სწორედ მძლეოსნების სიჩქარესა და მოდას აერთიანებს. ფერადი ზოლები კი სპორტსმენების მოძრაობის სანახაობრივ იმიტაციას ქმნის.
ავსტრალია
ავსტრალიის ოლიმპიური გუნდის ოფიციალური ფორმა ლურჯ-მწვანე პიჯაკებით, ნაკეცებიანი ყვითელი და თეთრი ქვედაკაბებით, თეთრი შორტებითა და სპორტული ფეხსაცმელებითაა წარმოდგენილი. სამოსი უნიკალურ დეტალებს შეიცავს - ავსტრალიელ ოლიმპიელთა ფიცი თითოეული პიჯაკის მკერდის ჯიბეზეა ამოქარგული, ხოლო ნაჭრის შიდა მხარეს ქვეყნის 301 ოლიმპიური ჩემპიონის სახელი მოჩანს. უნიფორმა შარფსაც მოიცავს, რომელზეც ოლიმპიური მოკრივის პოლ ფლემინგის ნამუშევარი "Walking Together" არის დაპრინტული.
საქართველო
საქართველო ზაფხულის ოლიმპიადაზე წელს 28 სპორტსმენით იღებს მონაწილეობას, მათ შორის, 4 ოლიმპიური ოქროს მფლობელია. დიზაინერ სიმონ მაჩაბელის მიერ შექმნილი ფორმა ნაციონალურ ელემენტებს შეიცავს და წითელ და თეთრ ფერებშია წარმოდგენილი. მათ ჩაცმულობაზე ცნობილმა დიზაინერმა სიმონ მაჩაბელმა იზრუნა.
შარვლებსა და მაისურებზე ეიფელის კოშკების პრინტით აწყობილი ჯვრებია გამოსახული. ფორმამ სოციალურ ქსელებში გამოჩენისთანავე დიდი აჟიოტაჟი გამოიწვია და ხალხის ნაწილი მას წლის უდიდესი სპორტული ღონისძიებისთვის შეუფერებლად მიიჩნევს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.