ჯიმ ჯარმუშის Only Lovers Left Alive მსუბუქი იუმორით, მელანქოლიური განწყობითა და მისტიციზით სავსე კადრებით ორი ვამპირის ადამისა და ევას (ტომ ჰიდლსტონისა და ტილდა სუინტონის მონაწილეობით) უკვდავი ცხოვრების შესახებ მოგვითხრობს, რომელსაც მთავარი გმირები მუსიკით, ლიტერატურითა და სიყვარულით ავსებენ.
Only Lovers Left Alive არის რომანი ნელ, აუღელვებელ სიყვარულზე და ჩვენ გარშემო არსებული სამყაროს დაფასებაზე. ჯარმუშის ფილმი დროის მუდმივი ცვლილების ნამდვილი განსაზღვრებაა. ის რასაც რეჟისორი გულწრფელობით იკვლევს - უკვდავებაა. ის სვამს შეკითხვებს: როგორ მოვიქცეოდით ცხოვრებისთვის საუკუნეები და ის ყველაფერი რომ გვქონოდა, რაც გვსურს? როგორი ესთეტები ან კოლექციონერები გავხდებოდით? - და ამ კითხვებს ადამისა და ევას ცხოვრებით თავადვე პასუხობს. ჯარმუში გვაძლევს საშუალებას ბედნიერება იმ მცირე დეტალებში ხელახლა აღმოვაჩინოთ, რომელიც ხშირად დაუფასებელი გვრჩება.
რაღაც მაგიური ძალის წყალობით, ეს ფილმი აუტანლად სასიამოვნოა და ამ გრძნობას მისი ხელახლა და შემდეგ კიდევ ხელახლა ნახვა ვერ აქარწყლებს. მთავარი გმირების მიერ გაზიარებული სიყვარული და მათი ურთიერთობის სიღრმე არის ის, რასაც ბევრი წყვილი ესწრაფვის.
ჯარმუშმა შექმნა ადგილი, სადაც სისასტიკის ფონზე ორი ადამიანი კვლავ ცხოვრობს საკუთარ სამყაროში. მათი ცხოვრების გზა ემყარება იმ ცხოვრების დაფასებას, რომელსაც ხელოვნება და შემოქმედება გვთავაზობს.
ადამის სახლს შეუძლია ნოტების ღრმა ოკეანეში ჩაიძიროს, მისი კურატორული იმპულსები ანტიკვარული მუსიკალური და ელექტრონული აღჭურვილობის კოლექციაში ვლინდება, ევა კი მთელი მსოფლიოს ცოდნას და სიბრძნეს იტევს.
ევას სუპერძალა შეხებაში იმალება, სულ რაღაც წამებში მას შეუძლია საგნის ასაკი და ხარისხი შეიცნოს, ნაზად, მოწიწებით გადაავლოს თითები „დონ კიხოტს“, „უსასრულო გასართობს“ თუ კაფკას და მთლიანად შთანთქას ისინი. ევა ლიტერატურის დიდი თაყვანისმცემელია, ის კითხულობს გერმანულად („ორ რევოლუციას შორის“ - ერნსტ ჰეილბორნი), ესპანურად („პატარა ლექსები“ - რამონ დე კამპოამარი) და იაპონურადაც („金閣寺 (ოქროს ტაძარი)“ - იუკიო მიშიმა) კი, მისი რჩეული წიგნების ჩამონათვალი ვრცელი და მრავალფეროვანია და თუ ერთხელ მაინც დაინტერესებულხართ, რა იყო უკვდავი ვამპირის საკითხავ სიაში, დღეს მას სრულად გაგაცნობთ:
„სტამბოლელი ნაბიჭვარი“ - ელიფ შაფაქი
„დონ კიხოტი“ - მიგელ დე სერვანტესი
„უსასრულო გასართობი“ - დევიდ ფოსტერ უოლესი
„თამაშის დასასრული“ - სამუელ ბეკეტი
„პატარა ლექსები“ - რამონ დე კამპოამარი
„金閣寺 (ოქროს ტაძარი)“ - იუკიო მიშიმა
„Basquiat“ - დიტერ ბუჰარტი
„ელჩები“ - ჯენრი ჯეიმსი
„ინგლისელები ჩრდილოეთ პოლუსზე“ - ჟიულ ვერნი
„ორლანდო ფურიოსო“ - ლუდოვიკო არიოსტო
„სამოთხის კარიბჭე: ლორენცო გიბერტის რენესანსის შედევრი“ - გარი მ. რადკე
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.