| ანა ციხელაშვილი |
თბილისის თეატრებში, სპექტაკლის ბილეთების ყიდვა რთული ამბავია. საბედნიეროდ, თეატრალური საქმიანობა მაყურებლისგან ყოველწლიურად უფრო და უფრო ფასდება, თუმცა პატარა ქალაქებსა და რეგიონებში განსხვავებული სურათი გვაქვს. ამ პრობლემის გამოსწორების საქმეს კი აჭარაში ხელი უკვე მოჰკიდეს.
დღეს თეატრალურ ფესტივალზე და იმ ახალგაზრდა მსახიობებზე მიგიყვებით, რომლებიც სასწაულებს ჩადიან. 2021 წელს, პეტრე ჩარგეიშვილმა და მიხეილ გაბაიძემ საინტერესო პროექტი, "პირველი ავტოგრაფი" წამოიწყეს. სულ მალე, აჭარის ექვსივე მუნიციპალიტეტში, 43 სასკოლო თეატრალური დასი შეიქმნა და სკოლის მოსწავლეებმა ქართული ლიტერატურული ნაშრომების სცენაზე გაცოცხლება დაიწყეს.
თანატოლების ცხოვრებაში ახალი საქმიანობა გაჩნდა, რომელიც Gen Z-ის სოციალურად აქტიურობაში, კომპლექსების დაძლევასა და ახალი ურთიერთობების წამოწყებაში ეხმარება. ფესტივალი/კონკურსის შემოქმედებითმა ჯგუფმა მოსწავლეებისთვის თეატრალური სამყაროს შეყვარება დაისახა მიზნად. ისინი ცდილობენ მოზარდებისთვის ქართველი დრამატურგების, მეზღაპრეებისა და მწერლების ნაწარმოებები აქტუალური გახადონ.
შედეგმაც არ დააყოვნა და დღეს, აჭარაში თითქმის ყველამ იცის "პირველი ავტოგრაფის" შესახებ, თეატრში ცარიელი ადგილებიც შეივსო და ამ სფეროს მიმართ საოცარი ინტერესიც გაჩნდა.
თავიდან, ამ სიახლეს მოსწავლეები სკეპტიკურად შეხვდნენ, მაგრამ როგორც კი სცენის მტვერი ჩაყლაპეს, თეატრიდან გამოსვლა აღარავის მონდომებია. სასკოლო დასები თეატრალურ წარმოდგენებს ბათუმის თეატრებში, მუზეუმებში, სამანქანო ლაბორატორიასა თუ საქალაქო სასამართლოში მართავდნენ.
ბოლო ფესტივალის გამარჯვებული, საუკეთესო სპექტაკლის ნომინაციაში, ბათუმის სკოლა ევრო-2000 გახდა. ირაკლი ჯინჭარაძე, რომელიც სკოლაში მუსიკის მასწავლებელია, თავისი სარეჟისორო ოსტატობით ცნობილი ქართული პიესებით, "შეყრა", "გაყრა" და "ქეთო და კოტე", ახალი მიუზიკლი, სახელად "მზის დაბნელება საქართველოში", დადგა. მან სკოლაში მომღერალი ბავშვები შეკრიბა და დაუღალავი შრომით, დასის წევრებმა კონკურსში გამარჯვებაც შეძლეს. ჟიურის წევრების დახმარებით კი, გამარჯვებული სპექტაკლი 13 მაისს, ნოდარ დუმბაძის სახელობის, მოზარდ მაყურებელთა თეატრის მცირე სცენაზეც დაიდგა.
"პირველი ავტოგრაფი" აჭარის სკოლებს აერთიანებს, მალე კი საფრანგეთისა და თურქეთის დასებსაც უმასპინძლებს. ფესტივალში მონაწილეობისთვის მხოლოდ რამდენიმე კრიტერიუმის დაკმაყოფილებაა საჭირო. მთავარია სასკოლო თეატრალური დასი არანაკლებ 15 ბავშვისგან შედგებოდეს და 20-50 წუთიანი, ქართული ნაწარმოების დადგმა წარმოადგინოს. ფესტივალის ჟიური მონაწილეებს რამდენიმე კატეგორიის მიხედვით აჯილდოებს, ესენია; საუკეთესო სპექტაკლი, საუკეთესო მსახიობი გოგო და ბიჭი, საუკეთესო სცენოგრაფია, ქორეოგრაფია.
მთავარი პრიზი, "არლეკინია", რომლის ძეგლიც დიდი ხნის განმავლობაში, ბათუმის ცენტრალურ პარკს ამშვენებდა და ბათუმელებისთვის კარგად ნაცნობი და საყვარელი იყო. "არლეკინი" მონაწილეების გარდა, გადაეცემა იმ ხალხს, რომელიც ბავშვებისთვის განსაკუთრებულად მნიშვნელოვან საქმეებს უდგას სათავეში. "არლეკინის" მფლობელია მეზღაპრე გურამ პეტრიაშვილი, გოგა პიპინაშვილი და კომპოზიტორი დავით მალაზონია.
"პირველი ავტოგრაფი" ძალიან საინტერესო პროექტია, რომელსაც დიდი მომავალი აქვს. ორგანიზატორები მზად არიან, თავიანთი გამოცდილება სხვა რეგიონებში ამ საქმით დაინტერესებულ ადამიანებსაც გააცნონ, რათა უფრო და უფრო მეტ ქართველ მოსწავლეს მიეცეს შანსი, გახდეს თეატრალური სამყაროს აქტიური წევრი. ხელოვნების ხელშეწყობა კრიტიკულად მნიშვნელოვანია დღევანდელ საქართველოში.
უნდა შევეცადოთ, რომ მოსწავლეებს, რომლებსაც უფრო მეტად შემოქმედებითი სფერო აინტერესებთ, ზუსტად იგივე შესაძლებლობები და ყურადღება ჰქონდეთ, როგორიც მეცნიერებით დაინტერესებულ ბავშვებს აქვთ ხოლმე. პირველი ნაბიჯი "პირველმა ავტოგრაფმა" უკვე გადადგა, ახლა ჩვენი ჯერია ამ გზაზე სიარული განვაგრძოთ.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.
