საბრინა კარპენტერის მესამე სტუდიური ალბომი, "Short n’ Sweet" 23 აგვისტოს გამოვიდა და მისი წყალობით ჩვენი ზაფხულის ფლეილისთი კიდევ უფრო ენერგიული გახდა. გამოსვლიდან მალევე, სინგლები, "Espresso" და "Please Please Please" იბრძოდნენ Billboard 100-ის სიაში პირველი ადგილისთვის. ახლა კი, მესამე ნამუშევრის, "Taste"-ის დრო დადგა.
უახლესი მუსიკალური კლიპი "Taste" ყოფილ შეყვარებულზე (რომელსაც უკვე ახალი სიყვარულის პოვნაც მოუსწრია) შურის საძიებლად ყველაფერზე წამსვლელ ქალზე მოგვითხრობს.
ყოფილისა და მისი ახალი შეყვარებულის როლს ჰოლივუდის მსახიობი როჰან კემპბელი და თვით “Wednesday” - ჯენა ორტეგა ასრულებენ. საბრინასა და ჯენას სასიკვდილო და სისხლიან ომს ფონად მომღერლის ნაზი ხმა გასდევს და საოცარ კონტრასტს ქმნის. მთელი კლიპი კი, კომედიური საშინელებათა ფილმის ტრეილერს ჰგავს.
კლიპის რეჟისორი დეივ მეიერსი გახლავთ, რომელსაც არიანა გრანდესთან, ჰარი სტაილსთან, ბილი აილიშთან, კენდრიკ ლამართან და სხვა საკულტო მომღერლებთან თანამშრომლობის ისტორია აქვს. მეიერსს მუსიკალური კლიპებისთვის არაერთი ჯილდოც აქვს მოპოვებული. “Taste”-ის შექმნისას შემოქმედებითმა ჯგუფმა ყველასთვის ცნობილი და საყვარელი ფილმებიდან აიღო ინსპირაცია.
“Death Becomes Her”
საბრინას ახალი სიმღერის კლიპის შინაარსი 1992 წლის ოსკაროსან ფილმს ესადაგება და რამდენიმე სცენა პირდაპირ მხატვრული ნამუშევრიდანაა გადმოტანილი. “Death Becomes Her” რობერტ ზემეკისის სატირაა, რომელშიც მერილ სტრიპისა და გოლდი ჰოუნის პერსონაჟები მოსისხლე მტრებად გადაიქცევიან და ერთი კაცისთვის სისხლიან, თუმცა სახალისო ბრძოლაში ჩაებმებიან. "Taste"-ი დაკრძალვის სცენასთან ერთად, იმ კადრსაც იმეორებს, სადაც კარპენტერი მუცელში უზარმაზარი ხვრელით დგას ფეხზე.
კლიპში, ისევე როგორც ფილმში, ორი ქალი რამდენჯერმე კვდება და ცოცხლდება. ყოველი მომდევნო სიკვდილის სცენა კი უფრო ფატალური და, ამავდროულად, სახალისოა.
“Ginger Snaps”
2000 წლის ფანტასტიკურ ფილმში, "Ginger Snaps" ორი დის ცხოვრება ერთ ღამეს, გაურკვეველი ცხოველის ნაკბენის შედეგად თავდაყირა დგება. ჩვეულებრივი თინეიჯერი გოგოს, ჯინჯერის ცხოვრება რადიკალურად იცვლება მაშინ, როცა აღმოაჩენს რომ მაქციად გადაიქევა შეუძლია. "Taste"-ის ერთ-ერთ კადრში საბრინა ღობეზეა ჩამოცმული და სისხლისგან დაცლის დროს ჯენა ორტეგას შუა თითს უჩვენებს, ზუსტად ისე, როგორც ამას ფილმში ჯინჯერი აკეთებს.
“Kill Bill: ნაწილი 1"
ჯენა ორტეგა კლიპის ერთ-ერთ სცენაში ტარანტინოს მკვლელ მედდას აცოცხლებს. მაშინ, როცა კარპენტერს ჰგონია, რომ მოწინააღმდეგე თავიდან მოიშორა, ჯენა Daryl Hannah-ს კოსტიუმში გამოწყობილი გვეცხადება და საბრინას სახიდან გამარჯვებულის სიცილს აშორებს.
“Psycho”
საშინელებათა ფილმებიდან რეფერენსების მოგროვების დროს, ჰიჩკოკი რასაკვირველია არავის დავიწყებია. კლიპში გაცოცხლებულია "Psyco"-ს საკულტო სცენა, სადაც ბეიტსის მოტელში, შხაპის მიღების დროს, პროტაგონისტი მარიონ კრეინი ნორმალ ბეიტსის მოქნეული დანის ქვეშ ექცევა.
“Addams Family Values”
ვიდეო რგოლში, ბუმბულებით მორთულ თეთრ სამოსში გამოწყობილი საბრინა ინსპირაციას დები ჯელინსკის პერსონაჟიდან სესხულობს. “Addams Family Values”-ის პერსონაჟი, დები ყოფილი ქმრების სერიული მკვლელია, რომელიც მემკვიდრეობის მისაღებად ჯერ ბიძია ფესტერზე ქორწინებას, შემდეგ კი მის მოკვლას გეგმავს.
მთლიანი კლიპი კი ჰოლივუდის საშინელებათა ფილმების საინტერესო და გემოვნებიანი ნაზავია. ამასთანავე, შეყვარებულის როლზე როჰან კემპბელის შერჩევა იდეალური გადაწყვეტილება იყო, რადგან მსახიობი ფილმში “Halloween Ends” მსოფლიოში ყველაზე ტოქსიკურ ბოიფრენდს, კორი კანინგჰემს განასახიერებს. ჯენა ორტეგა კი, "Wednesday"-ის როლის დამსახურებით თაობა Z-ის ერთ-ერთი საყვარელი მსახიობია.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.
