„ჯენტლმენები“ ეკრანზე სერიალის სახით ბრუნდება. გაი რიჩიმ 2019 წელს კინო გაქირავებაში ერთ-ერთი გამორჩეული კრიმინალური სურათი ჩაუშვა. ამჯერად, რეჟისორი ადასტურებს, რომ ამავე სახელწოდების სერიალში, მოქმედება ფილმის სამყაროში ხდება, თუმცა მისი გმირები ეკრანებზე არ გვხვდებიან.
სერიალი, რომლის პრემიერაც გასულ კვირას Netflix-ის სტრიმინგ პლატფორმაზე შედგა, არისტოკრატული ოჯახის შესახებ მოგვითხრობს. ედი, რომელიც მამის გარდაცვალების შემდეგ მისი მემკვიდრე ხდება, მალევე აღმოაჩენს, რომ სამკვიდროდ მხოლოდ უძველესი მამულები არ ერგო. მიწას თან მიწის ქვეშ შექმნილი მარიხუანის უზარმაზარი იმპერია მოჰყვა.
სერიალში მთავარ როლს თეო ჯეიმსი ასრულებს რომელიც „თეთრი ლოტუსის“ შემდეგ, ეკრანებს პირველად დაუბრუნდა. მას პარტნიორობას „ლაბირინთში მორბენალი“, კაია სკოდელარიო უწევს. მთავარ გმირებს ბრიტანულ კრიმინალურ სამყაროში არსებული უამრავი დაბრკოლების გადალახვა უწევთ და არ უნდა დაგვავიწყდეს, რომ ყველას საკუთარი დღის წესრიგი აქვს.სერიალი გაი რიჩის კლასიკურ სტილშია გადაღებული.
აბსურდული სიტუაციები, შავი იუმორი, გარიგებები, ქვე-გარიგებები, ორმაგი გარიგებები, ძალადობა, კომიკური სიტუაციები, მოსალოდნელი და მოულოდნელი სისხლიანი ორთაბრძოლები.
სერიალს ფონად თან სდევს იდუმალებით მოცული მდიდარი და ელეგანტური ამერიკელი სტენლი ჯონსტონის („ტ-თი“ იწერება) ერთი შეხედვით ამოუცნობი აქტიურობა, რომელსაც სეზონის ბოლოს ლოგიკურ ჯაჭვამდე მივყავართ.
სერიალი „ძალიან ბრიტანული“ შემადგენლობითაა დაკომპლექტებული, რაც მის ღირებულებას კიდევ უფრო მეტად ზრდის. რეჟისორს გადაღების სტილი არ შეუცვლია, მისთვის დამახასიათებელი დროში ხტომა და კადრებზე წარწერები ყურების დროს აუცილებლად გაგახალისებთ. მათ, ვისაც 2019 წლის ფილმი უკვე ნანახი აქვს, სერიალიც აუცილებლად მოხიბლავთ.
მეორე სეზონის გადაღებაზე ჯერ არაფერი ისმის, თუმცა პირველი სეზონის ფინალი ტოვებს, როგორც მისი გაგრძელების, ისევე მისი დასრულების შესაძლებლობას. თავად რეჟისორმა კი განაცხადა, რომ მისი დიდი სურვილი იყო ჯენტლმენების სამყაროს გაშლა, რაც, ვფიქრობთ, ძალიან კარგად გამოუვიდა.
თუ კი შაბათ-კვირას სახლიდან გასვლას არ აპირებთ და კრიმინალურ, პატარა სერიალს ეძებთ თავშესაქცევად, ეს რვა სერიისაგან შემდგარი, ერთი დიდი ფილმი აუცილებლად კარგად გაგატარებინებთ უქმე დღეებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.