ყველაფერი ძალიან ხმაურიანად, ასი ათასობით მაყურებლის თანდასწრებით დაიწყო, როდესაც 2015 წელს, ლოს-ანჯელესში, ქალთა ისტორიის მუზეიმში მსახიობ მარია ბელოს ვაიოლა დევისისთვის ჯილდო უნდა გადაეცა.
ბელომ სტანდარტული სიტყვით გამოსვლას შეკრებილი საზოგადოებისთვის იდეის გაზიარება არჩია. მან რამდენიმე სიტყვით აღწერა ეპიკური ისტორიული დრამა მეომარი ქალის - ნანისკას შესახებ, რომლის მთავარ როლშიც სწორედ დევისი წარმოედგინა.
“არ მოგინდებოდათ ასეთ როლში ვაიოლა დევისის ხილვა?”
მსახიობის ამ შეკითხვას დარბაზის ოვაციები მოჰყვა. მაშინ ბელო კინო პროექტს პროდიუსერ - ქეითი შულმანთან ერთად ავითარებდა. დაჯილდოვების შემდეგ საქმეში რეჟისორი - ჯინა პრინც-ბაითვუდი ჩაერთო, სულ რამდენიმე დღის წინ კი კინო მოყვარულებმა ფილმის - The Woman King ტრეილერი პირველად იხილეს.
The Woman King ქალთა რეალური არმიის შესახებ მოგვითხრობს. აგოჯიე (ასევე ცნობილია, როგორც ამორძალები), დაჰომეის დასავლეთ აფრიკის სამეფოს დასაცავად მე-17-ე, მე-18 და მე-19 საუკუნეებში იბრძოდნენ. ფილმის მთავარი გმირი კი მებრძოლთა მეთაური - ნანისკა გახლავთ, რომლის როლსაც ოსკაროსანი ვაიოლა დევისი ასრულებს.
მსახიობი, რომელიც საზოგადოებისთვის ცნობილი ტელესერიალიდან How to get away with murderer გახდა, ახალი კინო პროექტის შესახებ გამოცემას - Vanity fair ესაუბრა. დევისი გამოტყდა, რომ მსგავსი როლის შესრულება მისთვის ოცნების ტოლფასი იყო. ფილმს უკვე მოიხსენიებენ, როგორც “შავი ქალების მამაც გულს”.
Sony Pictures-მა ფილმის ტრეილერი 6 ივლისს გამოაქვეყნა, რომელმაც 2 დღეში 6 მილიონზე მეტი ნახვა დააგროვა. კინო აკადემიის ჯილდოს მფლობელმა Vanity Fair-თან საუბრისას განაცხადა, რომ როლისთვის მოსამზადებლად ყოველდღიურად რამდენიმე საათის განმავლობაში უწევდა ვარჯიში. ვაიოლამ შეისწავლა საბრძოლო ხელოვნება და მაჩეტეს მოხმარებასაც დაეუფლა. ფილმის trailer სავსეა საბრძოლო სცენებით, თუმცა ეს იმის ძალიან მცირე ნაწილია, რასაც ეპიკურ ისტორიულ ფილმში ვიხილავთ.
დევისთან ერთად The Woman King-ის ქასთის შემადგენლობაში ჯონ ბოიეგა, ლაშანა ლინჩი, ჰირო ფინიეს ტიფინი, შეილა ატიმი და სხვა ცნობილი მსახიობები შედიან. ჯინა პრინც-ბაითვუდის ფილმი დღის სინათლეს 2022 წლის 16 სექტემბერს იხილავს. კინო მოყვარულები კი უკვე იმაზე საუბრობენ, გახდება თუ არა The Woman King მორიგი საკულტო ფრენჩაიზის დასაბამი.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.