სიყვარულის წერილი იტალიას შანელისგან
შანელის 2025/26 წლის კრუიზის კოლექცია კომოს ტბის ფონზე, იტალიურ ვილაში წარადგინეს. შოუზე ვიხილეთ შანელის შავ-თეთრ ფერებში გამოწყობილი ქართველი მოდელებიც - მატილდა გვარლიანი და ნასტასია ლეგრან-ბაბლუანი.
პედრო პასკალი დღეს ერთ-ერთი ყველაზე საინტერესო ფიგურაა ჰოლივუდში. ეკრანზე გამორჩეული როლებით ცნობილი მსახიობი თანდათან მოდის ახალ სახედ გარდაიქმნა, რომლის ვიზუალური იდენტობა თანამედროვე და თავდაჯერებულია.
პასკალის წითელ ხალიჩაზე ადრინდელი გამოჩენები თავშეკავებული ელეგანტურობით გამოირჩეოდა. თუმცა, დროთა განმავლობაში მისი სტილი უფრო თავისუფალი და ინდივიდუალური გახდა: ფერების გაბედული კომბინაციები, უფრო თამამი სილუეტები.
როდესაც პასკალი Met Gala-ს წითელ ხალიჩაზე Valentino-ს ალისფერი პალტოთი და შორტებით გამოჩნდა, აშკარა გახდა რომ ახალი Fashion Icon დაიბადა.
პედრო პასკალის სტილის ტრანსფორმაციაში მნიშვნელოვანი როლი ითამაშა სტილისტმა ჯული რაგოლიამ, რომლის დახმარებითაც მან კლასიკური ფორმები საკუთარ ინდივიდუალიზმს შეუხამა.
მსხიობის იდენტობა სტილის უნიკალურ ხელწერას ქმნის. The last of us-ის მეორე სეზონის პრემიერაზე პასკალმა Saint Laurent-ის კუბოკრული პიჯაკი მაღალყელიან ტყავის ჩექმებს შეუხამა.
ფერი და ტექსტურა პასკალის სტილში წამყვან როლს ასრულებს. ის ხშირად ირჩევს მუქ ტონალობებს, ნატურალურ ქსოვილებსა და მკვეთრ დეტალებს. პასკალის ყოველი გამოჩენა, იქნება ეს წითელ ხალიჩაზე თუ ფოტოსესიაზე, მოწმობს, რომ მისთვის სტილი მხოლოდ ტენდენციების მიყოლა კი არა – პიროვნული სიუჟეტის გაგრძელებაა. მისთვის მოდა ინდივიდუალობისა და შინაგანი სამყაროს გამოხატვის ფორმაა და არა სოციალური მედიის ტრენდების მექანიკური გამეორება.
აღსანიშნავია, რომ პასკალის მოდური არჩევანი ხშირად სოციალურ მესიჯსაც ატარებს. Marvel's Thunderbolts -ს პრემიერაზე ლონდონში მან "Protect the Dolls" წარწერიანი მაისური მოირგო. "Protect the Dolls" – ტრანსგენდერი ქალების მხარდასაჭერი სლოგანია.
სელებრითების იმიჯი ხშირად წინასწარ გათვლილი და ხელოვნურია – პედრო პასკალი კი ამ წესის გამონაკლისია. მისი სტილი თამამია, მაგრამ არასოდეს გადამეტებული და ამავდროულად უზადო ელეგანტურობით გამოირჩევა. ყოველ ლუქში მკაფიოდ იგრძნობა მსახიობის თავდაჯერებულობა – და სწორედ ასე ყალიბდება ახალი Fashion Icon, acca Fashion Daddy.
არ გამოგრჩეთ
STYLEMA - ბუნებრივი სილამაზის იტალიური ფორმულა
იტალიური ფილერების ხაზი Stylema იმ იშვიათ პროდუქტებს შორისაა, რომლებიც საქართველოში MDR სერტიფიკატით გამოიყენება. იგი სრულად აკმაყოფილებს ევროკავშირის უსაფრთხოების და ხარისხის უმაღლეს სტანდარტებს. Stylema-ს ექსკლუზიური დისტრიბუტორია კომპანია „სკინოთეკა“.
MET GALA-ს ვარსკვლავური საღამო გვიახლოვდება
2025 წლის Met Gala-ზე შავკანიანთა მოდის ისტორიისა და თანამედროვე სტილის სინთეზურ აფეთქებას მოველით. დრესკოდი Tailored for You კონცეფციაა. მასპინძლები კი, ანა ვინტურთან ერთად კოლმენ დომინგო, ლუის ჰამილტონი, A$AP Rocky და ფარელ უილიამსი არიან.