საზაფხულო სალათების რეცეპტები
ზაფხულის ცხელი დღეებისთვის სადილსა და ვახშამზე სალათა საუკეთესო არჩევანია. თუ კლასიკური რეცეპტები მოგბეზრდათ, ჩვენი საზაფხულო რეცეპტებით შეგიძლიათ მოამზადოთ მსუბუქი კერძი.
The Devil Wears Prada 2 გადაღებები ამჯერად ნიუ-იორკის ბუნების ისტორიის მუზეუმში გაიმართა, სადაც ფოკუსში გამოგონილი Met Gala-ს სცენა ვითარდება. სწორედ აქ იკვეთება ფილმის სტილისტური ნარატივი, სადაც მერილ სტრიპი, სიმონ ეშლი და სტენლი ტუჩი მაღალი მოდის სამოსში გვევლინებიან. კოსტიუმების ავტორი პატრიშა ფილდის მემკვიდრე მოლი როჯერსია, რომელიც ასევე სერიალის And Just Like That სტილისტიცაა.
მერილ სტრიპი, ამჯერად წითელ მასიურ კაბაში ვიხილეთ, რაც კიდევ ერთხელ ხაზს უსვამს პრისტლის ავტორიტეტს მოდის სამყაროში.
საინტერესოა სიმონ ეშლის პერსონაჟი, რომლის როლიც The Devil Wears Prada 2-ს პრემიერაზე ალბათ უფრო გასაგები გახდება. სიმონ ეშლი რეალურ ცხოვრებაშიც გამოირჩევა განსაკუთრებული სტილით.
მსახიობის ჩაცმულობა Met Gala-ს სცენაში შთამბეჭდავია, მაგრამ გადაჭარბების გარეშეა: ბრილიანტის დეტალებით გაფორმებული კოლჰოტები, მინიატიურული ჩანთა და კლასიკური ვარცხნილობა.
სტენლი ტუჩი, რომელიც კვლავ ნაიჯელის როლში ბრუნდება, იმავე დახვეწილ სტილში გვევლინება, რაც მის პერსონაჟს ახასიათებს. კლასიკური სმოკინგი, თეთრი პერანგი, შავ-თეთრი შარფი და პეპელა ჰალსტუხი კიდევ ერთხელ ადასტურებს მის შეუცვლელ ადგილს მირანდას გვერდით. ეს სტილი არ არის ექსცენტრიკული, მაგრამ არც შეუმჩნეველი, ზუსტად ისეთია, როგორსაც ნაიჯელისგან ველით.
ფილმის კოსტიუმებზე პასუხისმგებელი მოლი როჯერსი პატრიშა ფილდის სილუეტებს აგრძელებს, თუმცა ამჯერად უფრო თანამედროვე კუთხით. Lanvin, Max Mara, Dior, Monse და Sa Su Phi, სწორედ ეს ბრენდები განაპირობებენ კოსტიუმების მრავალფეროვნებას, რომლებიც არამხოლოდ ვიზუალური ეფექტისთვისაა შერჩეული, არამედ პერსონაჟების ინდივიდუალურობის გამოსაკვეთად.
არ გამოგრჩეთ
თბილისის საუკეთესო ტერასები
თბილისი მდიდარია ისეთი ადგილებით, სადაც დღის ცხელ საათებში თავშესაფარს იპოვით, ხოლო საღამოს, ღია სივრცეში, გემრიელი კერძებისა და მუსიკის თანხლებით დროს სასიამოვნოდ გაატარებთ. ტერასები, ეზოები და სიმწვანეში ჩაფლული კაფე-რესტორნები ნამდვილად არ აკლია ჩვენს ქალაქს. The Diary-ს რედაქციამ სწორედ ასეთი 12 ადგილი შეარჩია თქვენთვის.
საფრანგეთი სწრაფი მოდის წინააღმდეგ
საფრანგეთი გახდა პირველი ქვეყანა, რომელმაც მასშტაბური კანონმდებლობა მიიღო სწრაფი მოდის წინააღმდეგ. ახალი კანონი ითვალისწინებს გადასახადებს და კრძალავს სწრაფი მოდის ბრენდების პოპულარიზაციას სოციალურ ქსელებსა თუ მედია პლატფორმებზე.