ხვალ ყველაზე განსხვავებული და უნიკალური Tbilisi Open Air-ი იწყება. წლევანდელი Open Air-ი ბევრად მეტია, ვიდრე მუსიკალური ფესტივალი – წინ ქართული კულტურის, იდენტობისა და ერთიანობის დღესასწაული გველის. ამ განსაკუთრებული დღეების მთავარი მიზანი სხვადასხვა ეპოქისა და ჟანრის ქართველი შემსრულებლების ერთ სცენაზე გაერთიანებაა. სწორედ ფესტივალის წყალობით შედგა ნანი ბრეგვაძისა და კორძის კოლაბორაციაც.
ქართველმა მუსიკოსებმა ახალი სიცოცხლე შთაბერეს 1973 წლის ლეგენდარულ სიმღერას „მთვარეო“, რომლის ცოცხალ შესრულებასაც 25 მაისს, ფესტივალის მთავარ სცენაზე მოვისმენთ.
გოგი ცაბაძის ეს სიმღერა პირველად ნანი ბრეგვაძემ შეასრულა ფილმში „ვერის უბნის მელოდიები“ და მაშინვე ქართული მუსიკის კლასიკად იქცა.
52 წლის შემდეგ, კორძთან ერთად, ეს მელოდია სცენაზე სრულიად ახალი ფორმით ბრუნდება, რაც უდავოდ, წლის ერთ-ერთი ყველაზე მნიშვნელოვანი მუსიკალური მომენტი იქნება.
ნანისა და კორძისთან ერთად სცენაზე ჯგუფი Mechanical Rainbow დაუკრავს, რომელიც სხვა, არანაკლებ საინტერესო მუსიკალურ ნომრებსაც შემოგვთავაზებს.
@mechanicalrainbow BENGEREBIS DROA 😝@tbilisiopenair.2025 @kordz @Nikala @Likuna Tutisani #fyp #mechanicalrainbow #kordz #tbilisiopenair ♬ original sound - MechanicalRainbow
წლევანდელი Open Air-ი კიდევ არაერთ სიურპრიზს გვპირდება. 24 მაისს ჯგუფები „არა“ და „ყველა“ მერაბ სეფაშვილთან ერთად გამოჩნდებიან მთავარ სცენაზე. „თამადა“ და 4D Monster Lobsters კი გიორგი უშიკიშვილთან გაიყოფენ სცენას. 25 მაისს ჯგუფ „მწვანე ოთახისა“ და პირველი ქართველი ჯაზ-ვუმენის, გიული ჩოხელის ერთობლივ შესრულებასაც ვიხილავთ. სცენაზე გამოვა ოპერის მომღერალი პაატა ბურჭულაძეც.
ფესტივალი 24 და 25 მაისს, ტრადიციულ ლოკაციაზე, ლისი ვანდერლენდში, ჩატარდება. 26 მაისს კი, ფესტივალის ყველა მონაწილე საქართველოს დამოუკიდებლობის დღეს ერთად შეხვდება.
ასე რომ, წინ დაუვიწყარი დღეები გველის. ბილეთების შესაძენად ეწვიეთ TKT.GE-ს.
პარიზელი დიჯეი და პროდიუსერი Notre Dame თბილისში ბრუნდება. 23 მაისს King David-ში TRIBE-ისა და MEMO-ს ორგანიზებით გაიმართება უნიკალური საღამო, სადაც კინემატოგრაფიული ჟღერადობა და ემოციური ელექტრონიკა ერთმანეთს შეხვდებიან.
ინგლისურენოვანი ქართველი ავტორი, ლეო ვარდიაშვილი, მსოფლიო ბესტსელერის ავტორია. The Diary-სთან ინტერვიუში ის საკუთარ სადებიუტო რომანზე — „ერთი დიდი ტყის მახლობლად“ — და ემიგრაციის პირად გამოცდილებაზე გვესაუბრება.
კანის ფესტივალზე ბონოს დოკუმენტური ფილმის პრემიერას 6 წუთიანი ოვაციები მოჰყვა. U2-ს სოლისტი წითელ ხალიჩაზე უკრაინის მხარდაჭერის ნიშნით, შონ პენთან და უკრაინელ ჯარისკაცებთან ერთად გამოჩნდა.
