რა შეიძლება იყოს იმაზე კარგი, როცა დამღლელი კვირის შემდეგ სანდლებსა და საცურაო კოსტიუმებში გამოწყობილები, ჩანთაში SPF-ით და წიგნით აუზზე მივდივართ. The Diary-ს რედაქციაშიც ძალიან გვიყვარს აუზის დღეები და სწორედ ამიტომ, ზაფხულის ყველაზე ცხელ პერიოდში ჩვენმა გუნდმა თბილისის 5 საუკეთესო აუზი შეგირჩიათ, სადაც განტვირთვის დღეების მოწყობა შეგიძლიათ.
SHERATON GRAND TBILISI METECHI PALACE
თბილისის ერთ-ერთი ყველაზე დახვეწილი სასტუმრო Sheraton Grand Tbilisi Metechi Palace ტერასაზე ღია აუზს გვთავაზობს, რომელიც იდეალურია მშვიდი დასვენების მოსაწყობად. ეს სივრცე შექმნილია იმისთვის, რომ ქალაქის სწრაფ ტემპს მოწყდეთ და დღე სასიამოვნოდ გაატაროთ. აქ დილიდანვე შეგიძლიათ მშვიდად იცუროთ ან გაირუჯოთ, რა თქმა უნდა, ცივი სასმლით ხელში. შერატონი ბავშვებისთვის განკუთვნილ სივრცესაც დაგახვედრებთ. სასტუმრო პირდაპირი მნიშვნელობით, დამღლელ რუტინაში პაუზას გვთავაზობს. P’auza-ს სერვისში მასაჟი და მანიკიურიც კი შედის, რაც დასვენების დღეს კიდევ უფრო სრულყოფილს გახდის. ასე რომ, Sheraton-ში გასეირნება საუკეთესო საშუალებაა ფიზიკური და მენტალური განტვირთვისთვის.
RADISSON BLU IVERIA
Radisson Blu Iveria თანამედროვე დიზაინის გარემოსა და აუზს გვთავაზობს. Radisson Blu-ს აუზი ქალაქში ერთ-ერთი ყველაზე მიმზიდველი ადგილია როგორც ადგილობრივებისთვის, ისე მოგზაურებისთვის. დღის განმავლობაში შეგიძლიათ გაგრილდეთ და მზის აბაზანები მიიღოთ, ხუთშაბათობით კი სასტუმრო საღამოს რომანტიკულ ვახშამზეც კი გვეპატიჟება.
KING DAVID RESIDENCES OUTDOOR POOL
თანამედროვე არქიტექტურასა და სიმწვანეში ჩაფლულია King David-ის ღია აუზი, რომელიც ერთ-ერთი ყველაზე ინტიმური და მშვიდი სივრცეა თბილისში. ეს ადგილი შუაგულ ქალაქში პატარა ტროპიკულ კუნძულს ჰგავს, ოაზისის მსგავსი ბუნებითა და ეგზოტიკური კოქტეილებით.
ART HOUSE THE POOL & SPA
Art House-ის აუზი და სპა ამ სივრცის შემოქმედებით კონცეფციას იდეალურად ერწყმის. Art House-ში ხელოვნება, ფიტნესი და დასვენება ერთიანდება. აუზთან ერთად იგი გთავაზობს სპორტულ დარბაზს, პილატესის ვარჯიშებს, პერსონალურ ტრენერებსა და ფინურ საუნას. ეს ადგილი მათთვისაა, ვინც ჯანსაღ ცხოვრებას და დასვენებას საკუთარი ყოველდღიურობის განუყოფელ ნაწილად მიიჩნევს.
HOLIDAY INN TBILISI
სასტუმრო Holiday Inn-ი საბურთალოზე მდებარეობს და თბილისში ღია აუზების მხრივ კლასიკად ითვლება. დიდი აუზი, დიდი სივრცე და მყუდრო გარემო მას ერთ-ერთ საუკეთესო ადგილად აქცევს.
აგვისტოს მზიან დღეებში, დამღლელი რუტინის ფონზე, პაუზის აღებაა აუცილებელი. შერატონ გრანდ თბილისი მეტეხი პალასი სწორედ ის ადგილია, სადაც შეგიძლიათ რამდენიმე საათით ქალაქის ხმაურს მოწყდეთ და თავი ხანმოკლე, მაგრამ სრულფასოვან შვებულებაში იგრძნოთ, დაისვენოთ, იცურაოთ და გემრიელი სასმელიც დააგემოვნოთ.
თეთრი კაბის კომფორტსა და ელეგანტურობაზე მეტყველებს ის ფაქტი, რომ ის მუდამ იკავებს ღირსეულ ადგილს მაღალი მოდის სახლებისა თუ ადგილობრივი დიზაინერების კოლექციებში. The Diary-ს რედაქციამ თქვენთვის სხვადასხვა სტილის სარაფნები შეარჩია, რომლებსაც ზაფხულის ლუქების შესაქმნელად გამოიყენებთ.
ფრანგული სილამაზის ბრენდი Dessange Paris უკვე ათწლეულზე მეტია, რაც თბილისშიც საერთაშორისო სტანდარტებზე მორგებულ სერვისებს გვთავაზობს. ჩვენთან ინტერვიუში Dessange Tbilisi-ს გუნდი ბრენდის ფილოსოფიაზე, ზაფხულის ტენდენციებსა და სერვისების მრავალფეროვნებაზე გვესაუბრა.
