Carolina Herrera-ს Very Good Girl-ის გლობალური წარმატების შემდეგ, ბრენდმა ახალი, მეტად გლამურული Very Good Girl Glam წარმოადგინა. რთულად მოპოვებული ინგრედიენტებისა და განსხვავებული ექსტრაქციის მეთოდით დამზადებული სუნამო, ქალურ სიძლიერეს, უშიშარ ხასიათს და ბრწყინვალე სულიერ სამყაროს გამოხატავს.
2016 წლიდან მოყოლებული, Carolina Herrera-ს ქუსლიანმა ფეხსაცმელმა დაიპყრო სამყარო და ქალბატონების გული, დღემდე გრძელდება ახალ-ახალი ვარიაციების აღმოჩენა და სახასიათო ფლაკონის დახვეწა. Very Good Girl Glam -ის ფლაკონიც, მისი წინამორბედის Very Good Girl-ის გლამურული და დახვეწილი ინტერპრეტაციაა.
ამჯერად, წითელი ქუსლიანი ფეხსაცმელი, ამოვლებულია ბრჭყვიალა ფანტელებში და დანახვისთანავე იპყრობს თვალსაც და გულსაც.
სუნამო შექმნილია პარფიუმერების - კვენტინ ბიშისა და ლუი ტერნერის მიერ, რომლებმაც ზუსტად გადმოსცეს ფლაკონის მნიშვნელობა არომატში. წითელი წვნიანი ბლის ექსტრაქტი საწყის ნოტაში, ხაზს უსვამს ქუსლიანი ფეხსაცმლის ფერს და დაპკურების მომენტიდანვე მიძინებულ ინსტინქტებს აღვიძებს.
„ბალი, ერთ-ერთი ამოუცნობი ხილია, ვინაიდან ერთი და იგივე ნაყოფი შესაძლოა ვარდისფერიც იყოს, ინტენსიური წითელიც და სისხლისფერიც“ - კვენტინ ბიში
სწორედ ასეთია Very Good Girl Glam-ის ქალბატონიც, გრაციოზული, მომნუსხველი, განსხვავებული ხასიათით, ხან ძლევამოსილი და უშიშარი, ხანაც მშვიდი და ნაზი.
ღრმა და ინტენსიური არომატი, გაჯერებულია ბუნებრივი ვანილის ექსტრაქტით, რომელიც გამოირჩევა ტკბილი და მომჟავო გემოებით. როგორც Carolina Herrera ამბობს: „სუნამო ქალის უხილავი აქსესუარია, თუმცა ქალი, რომელიც ატარებს Very Good Girl Glam-ს შეუძლებელია შეუმჩნეველი დარჩეს. ის დარწმუნებულია საკუთარ თავში და მას თამამად გამოხატავს არომატის საშუალებით.“
გასაოცარი ოლფაქტორული კომპოზიციის გულში, ჰაეროვანი ვარდის აკორდი ყვავის, რომელსაც დასასრულს მერქონოვანი ვეტივერი უერთდება და ერთიანობაში ძლიერ, მომხიბვლელ და მომაჯადოებელ სურნელს ქმნიან.
Carolina Herrera-ს გლამურული სურნელის Very Good Girl Glam აღმოჩენა, უკვე ისი პარის სურნელოვან თაროებზეა შესაძლებელი.
აგვისტოს მზიან დღეებში, დამღლელი რუტინის ფონზე, პაუზის აღებაა აუცილებელი. შერატონ გრანდ თბილისი მეტეხი პალასი სწორედ ის ადგილია, სადაც შეგიძლიათ რამდენიმე საათით ქალაქის ხმაურს მოწყდეთ და თავი ხანმოკლე, მაგრამ სრულფასოვან შვებულებაში იგრძნოთ, დაისვენოთ, იცურაოთ და გემრიელი სასმელიც დააგემოვნოთ.
თეთრი კაბის კომფორტსა და ელეგანტურობაზე მეტყველებს ის ფაქტი, რომ ის მუდამ იკავებს ღირსეულ ადგილს მაღალი მოდის სახლებისა თუ ადგილობრივი დიზაინერების კოლექციებში. The Diary-ს რედაქციამ თქვენთვის სხვადასხვა სტილის სარაფნები შეარჩია, რომლებსაც ზაფხულის ლუქების შესაქმნელად გამოიყენებთ.
ზაფხულში, თუ თბილისიდან გასვლას ვერ ახერხებთ, აუზზე კარგი განტვირთვა არ არსებობს. The Diary-ს რედაქციაშიც ძალიან გვიყვარს აუზის დღეები და სწორედ ამიტომ, ზაფხულის ყველაზე ცხელ პერიოდში ჩვენმა გუნდმა თბილისის 5 აუზი შეგირჩიათ, სადაც განტვირთვის დღეების მოწყობა შეგიძლიათ.
