რეჟისორმა პაბლო ლარეინმა, დღის შუქზე ახალი ბიოგრაფიული დრამის Maria-ს კადრები გამოიტანა. 48 წლის მსახიობი ანჯელინა ჯოლი, რომელიც ფილმში ლეგენდარული ოპერის მომღერლის მარია კალასის როლს მოირგებს, ფოტოებზე ორ განსხვავებულ იმიჯს ირგებს. ერთში მარიასეული გრაცია და სიამაყე იკვეთება, მეორე ფოტო კი მეტად მელანქოლიური ხასიათისაა და ფილმის სენსიტიურ შინაარსთან უფრო ახლოს დგას.
კოტე მარჯანიშვილის თეატრის სამხატვრო ხელმძღვანელის რანგში, გატარებული 18 წლის შემდეგ, ლევან (ჭოლა) წულაძემ თანამდებობა დატოვა. ინფორმაცია საქართველოს კულტურის, სპორტისა და ახალგაზრდობის სამინისტროს Facebook გვერდზე გუშინ გამოჩნდა.
Netflix-მა პერიოდული დრამის The Crown-ის გულშემატკივრებს დიდხანს ნანატრი ინფორმაცია გაგვიზიარა, სერიალის ფინალური სეზონი ორ ნაწილად გამოვა, პირველი ნაწილის ხილვა სულ რამდენიმე კვირაში 16 ნოემბერს შეგვეძლება, მეორე ნაწილ კი მოგვიანებით, 14 დეკემბერს ვიხილავთ.
წელიწადის ყველა დროს, განსაკუთრებულ ატმოსფეროსთან ერთად, თან სპეციფიკური განწყობაც მოაქვს, რომელიც ჩვენს ყოველდღიურობას განსაზღვრავს. ოქტომბრის დადგომამ, ნამდვილი შემოდგომის შემობრძანება გვაგრძნობინა, ზაფხულისა და ზამთრის გზაგასაყარზე, ყველაფერი მეტად (გულ)გრილი და მელანქოლიური გვეჩვენება და რა უხდება ამ მდგომარეობას, სწორად შერჩეულ საკითხავ წიგნზე მეტად?!
შოთა რუსთაველის თეატრისა და კინოს სახელმწიფო უნივერსიტეტის ორგანიზებით, 10-15 ოქტომბერს თბილისის საერთაშორისო სტუდენტური კინოფესტივალი „ამირანი“ იმართება.
ამერიკული მეგაპროექტების დაპყრობის დროა! შტატებში მცხოვრები ქართველი მუსიკოსი ნინი ბრეგვაძე სასცენო სახელით ცნობილი, როგორც Nini Iris, ამერიკული The Voice-ის სცენაზე გასულ ღამეს გამოჩნდა. ბრმა მოსმენაზე, ნინიმ, ნამდვილი ფურორი მოახდინა და სულ რამდენიმე წამში ჟიურის ოთხივე წევრის მონუსხვა მოახერხა.
ოქროსფრად შემოსილი წინანდლის მამული, ჯაზისა და ღვინის დღესასწაულისთვის ემზადება. ღვინობისთვის 14-ში, ალექსანდრე ჭავჭავაძის მამულის კარი „ჯაზისა და ღვინის ფესტივალისთვის“ გაიღება. წელს, ღონისძიებაზე, სტუმარი ქვეყნის სტატუსით, იტალია იქნება წარმოდგენილი.
ცნობილი ქუჩის არტისტის BANKSY-ს გამოფენა საქართველოში, ქართული სახვითი ხელოვნების მუზეუმში 18 ოქტომბერს გაიხსნება. სიახლე, მუზეუმის ოფიციალურ გვერდზე რამდენიმე საათის წინ გამოჩნდა და როგორც გავრცელებულ განცხადებაში ვკითხულობთ, „ბენქსი: ლეგენდის დაბადება“ მუზეუმის 5 წლის იუბილეს უკავშირდება.
25 სექტემბერს, თბილისის ინდუსტრიულ ცენტრში, ლევან (ჭოლა) წულაძის ხელმძღვანელობით, თავისუფალი შემოქმედების კუნძული თეატრი „სახელოსნო 42“ გაიხსნა. ახალმა დამოუკიდებელმა თეატრალურმა სივრცემ პრემიერისთვის, უილიამ შექსპირის „ოტელო“ შეარჩია, რომლის ნახვა მაყურებელს, წერეთლის 114-ში, კოკა-კოლას ყოფილ ქარხანაში, ოქტომბრის ბოლომდე შეეძლება.
უეს ანდერსონისა და როალდ დალის დუეტის ხსენებისას, ხშირად გაიგონებთ, რომ ამ ორის კოლაბორაცია მაღლა გადაწყდა, სხვაგვარად უბრალოდ შეუძლებელია იმის ახსნა, თუ როგორ გადაიკვეთა მაინც და მაინც იმ ორი ადამიანის გზები, რომლებიც თავიანთი შემოქმედებით, თითქოს და ერთმანეთს ავსებენ. Fantastic Mr. Fox-ის გამოსვლიდან 14 წლის შემდეგ, ფანტასტიკური უეს ანდერსონი როალდ დალის სხვა ისტორიის ადაპტაციასაც გვთავაზობს, თანაც ყველასათვის მოულოდნელად.
