მუსიკისა და დრამის თეატრი გლობალური პანდემიის შემდეგ მაყურებელს ვასო აბაშიძის სახელობის ახალი თეატრის სახელით დაუბრუნდა. ახალი ლოკაცია (დავით აღმაშენებლის 127), ახალი სცენა, ახალი კონცეფცია, თუმცა ნაცნობი და საყვარელი სახეები თეატრალური ცხოვრების დღის წესრიგს ნელნელა, განახლებული შემართებით დაუბრუნდნენ.
2019 წლის 7 ოქტომბერს, კავკასიაში პირველი ციფრული ხელოვნების მუზეუმი - თბილისის ციფრული სივრცე გაიხსნა, რომელმაც ქართველი საზოგადოება ციფრულ ხელოვნებას აზიარა. ოთხი განსხვავებული სივრცით, ხელოვნების ლეგენდარული წარმომადგენლების ნამუშევრებით, თვალუწვდენელი სამყაროების ჯადოსნობებითა და ქართველი მწერლების შემოქმედებით შთაგონებული ფილმებით, თბილისის ციფრული სივრცე ჩვენს გაოცებას არ წყვეტს და კიდევ ერთ ფილმს წარმოგვიდგენს, რომელიც ილია ჭავჭავაძის ლექსის ბაზალეთის ტბის მოტივებზე შეიქმნა.
თბილისის სახელმწიფო კამერული ორკესტრი, 8 დეკემბრის ჩათვლით, თბილისში, რიგით მეშვიდე „თბილისის ბაროკოს ფესტივალს“ გამართავს. მსოფლიო პანდემიის მიერ მოყენებული ზარალის შემდეგ, 2021 წლის ფესტივალი დიდი შემართებითა და სიურპრიზებით გაიხსნა და წინ მნიშვნელოვან ღონისძიებებსაც გვპირდება.
12-14 ნოემბერს თბილისში, მულტიმედია გამოფენების სერია „სიზმარი“ ბრუნდება! პროექტი, რომელიც ინდივიდის, სოციუმის და ბუნების ჰარმონიას ეხება, შთაგონების მთავარი წყარო კი, ოქროს კვეთის სპირალია, ხელოვნების სხვადასხვა სფეროში მომუშავე ექვსმა ხელოვანმა შექმნა. სპირალის თბილისის რუკაზე მორგებით, სხვადასხვა უბანში ექვსი საგამოფენო ადგილი შეირჩა.
კორონავირუსის მსოფლიო პანდემიამ შემოქმედებით სამყაროს დიდი დარტყმა მიაყენა, განგრძლივი პაუზა განსაკუთრებულად შეინიშნებოდა ისეთი პატარა ქვეყანაში, როგორიც საქართველოა, რომლისთვისაც კულტურული ღონისძიებები სასიცოცხლო მნიშვნელობისთვისაა, როგორც შემოქმედებისთვის, ისე მაყურებლისთვის. დიდი შესვენების შემდეგ, დანამდვილებით შეგვიძლია გაუწყოთ, რომ თბილისის საერთაშორისო თეატრალური ფესტივალი ბრუნდება!
სულ რაღაც 3 დღეში, 11 ნოემბერს დიდ ეკრანებს ვეს ანდერსონი დიდხნიანი პაუზის შემდეგ უბრუნდება. ჰოლივუდის ვარსკვლავური შემადგენლობა: ტიმოთი შალამე, ბილ მიურეი, სირშა რონანი, ტილდა სუინტონი, ედუარდ ნორტონი, ელიზაბეტ მოსი, ედრიენ ბროუდი, უილემ დეფო, მსუბუქი იუმორი, მომნუსხველი სარეჟისორო შემოქმედება და უბრალოდ ფილმი, რომელიც არ უნდა გამოტოვოთ.
კიდევ ერთი მნიშვნელოვანი და საინტერესო გამოფენა თბილისში, თიბისი კონცეპტის სივრცეში, მარჯანიშვილის 7-ში 28 ოქრომბრიდან 28 ნოემბრამდე მიმდინარეობს. გამოფენა სახელწოდებით - „ციფრული მკვიდრები“, რომელიც თანამედროვე ხელოვანების საერთაშორისო ჯგუფს აერთიანებს.
სიხარულით გვინდა გაცნობოთ, რომ პანდემიით გამოწვეული დიდხნიანი პაუზის შემდეგ, „ღია სივრცე“ განახლებული სარეპერტუარო პოლიტიკით და ახალი პერფომანსით ბრუნება და 21/22 წლის სეზონს დავით ხორბალაძის ახალი სპექტაკლით, UNMEMORY, ხსნის. ღია სივრცისა და დავით ხორბალაძის კოლაბორაციით შექმნილი წარმოდგენა მეხსიერების უწყვეტ გარდაქმნაზეა.
კომედია, დრამა, მელოდრამა, ისტორიული, ფანტასტიკა - დაგვისახელეთ ჟანრი, რომელშიც ჩვენი რჩეული ჰოლივუდელი მშვენება ოსკაროსანი ემა სტოუნი უბრალოდ არ ანათებს. ემა სტოუნმა თავი ტელეეკრანებზე გამოჩენის პირველივე წუთებიდან შეგვაყვარა, სხვაგვარად შეუძლებელიც კი იქნებოდა, მისი საშემსრულებლო მანერის, ენერგეტიკის, პროფესიონალიზმისა და ნიჭის წყალობით ემა მალევე იქცა ჰოლივუდის ერთ-ერთ ყველაზე მაღალშემოსავლიან მსახიობად, რომლის ფილმოგრაფიაც ლეგენდარული ფილმებით, რეჟისორებითა და კოლეგა-მსახიობებით არის სავსე.
თბილისის ოპერისა და ბალეტის თეატრში დღეს, 5 ნოემბერს ვოკალისტთა მე-2 საერთაშორისო კონკურსი OPERA CROWN-ის დასკვნითი საღამო - საზეიმო დახურვა გაიმართება. კონკურსი 1-ელ ნოემბერს გაიხსნა და 3 ტურისგან შედგებოდა. კონკურსის ფარგლებში, 21 ქვეყნიდან, საქართველოს 50-მდე ახალგაზრდა ვოკალისტი ესტუმრა, რომლებსაც საერთაშორისო ჟიური აფასებს. ფინალისტები სულ რამდენიმე საათში თბილისის ოპერისა და ბალეტის თეატრის ორკესტრის თანხლებით წარდგებიან მაყურებლის წინაშე.
