„ოქროს გლობუსი“ გასულ ღამეს, საიუბილეო მე-80 დაჯილდოების ცერემონიით დაგვიბრუნდა. ცერემონია კომიკოსმა ჯეროდ კარმაიკლმა მონოლოგის ხისტი ხუმრობებით გახსნა. „მე აქ იმიტომ ვარ რომ შავკანიანი ვარ“, განაცხადა საღამოს წამყვანმა და დარბაზში მსხდომებს და მაყურებლებს შეახსენა მიზეზი, რის გამოც 2022 წელს ოქროს გლობუსის დაჯილდოების ცერემონია NBC-ის ეთერში არ გადაიცა.
დღეს, 5 იანვარს, ყველა დროის ერთ-ერთი უდიდესი იაპონელი ანიმატორისა და რეჟისორის ჰაიაო მიაძაკის დაბადების დღეა. ანიმატორს, რომლის ფილმოგრაფიასაც ეკუთვნის My Neighbor Totoro (1988), Princess Mononoke (1997) და Spirited Away (2001), დღეს 82 წელი შეუსრულდა. ჰაიაომ აგრეთვე დააარსა ანიმაციური სტუდია - Studio Ghibli, რომელიც ნაზი, ესთეტიკურად სასიამოვნო ვიზუალის სინონიმად იქცა.
ჰოლივუდის უცხოური პრესის ასოციაციამ 2023 წლის საიუბილეო, მე-80 „ოქროს გლობუსის“ ნომინანტები წარადგინა. დაჯილდოების ცერემონია 2023 წლის 10 იანვარს, კალიფორნიაში, ბევერლი ჰილზში, NBC-სა და Peacock-ის ეთერში გადაიცემა.
იმაზე ფიქრისას თუ სად გადის ზღვარი რეალობასა და სინამდვილეს შორის, გამახსენდა იტალიელი რეჟისორი ბერნარდო ბერტოლუჩი, რომლის პერსონაჟებიც ყოველთვის ახერხებენ რომ გაავლონ ეს იდუმალებით მოცული ზღვარი, რეალობასა და ოცნების სამყაროს შორის და მასში სამუდამოდ დაიკარგონ.
უილ სმიტი ეკრანებზე „საოსკარე“ ნამუშევრით ბრუნდება, თუმცა მსახიობი კინოაკადემიის დაჯილდოებაზე დასწრებას მაინც ვერ შეძლებს. Emancipation ენტონი ფუქუას ისტორიული ტრილერია, რომელიც ნამდვილ ამბავზეა დაფუძნებული და 1860-იან წლებში, ლუიზიანას პლანტაციიდან გაქცეული მონის ისტორიას გვიყვება.
ხოაკინ ფენიქსი და მისი საცოლე რუნი მარა ახალ თრილერში სახელწოდებით The Island გვერდიგვერდ ითამაშებენ. The Hollywood Reporter-ის ცნობით, The Joker-ის 47 წლის მსახიობი და The Girl with the Dragon Tattoo-ს 37 წლის ვარსკვლავი, 1930-იანი წლების შეძლებული წყვილის როლს შეასრულებენ, რომლებიც უკაცრიელ კუნძულზე გადასახლდებიან.
დედოფალ ელისაბედ II-ის გარდაცვალებისა და მისი ვაჟის მეფედ გახდომის შემდეგ, The Crown-ის მე-5 სეზონის მოახლოებას არაერთგვაროვანი რეაქციები მოჰყვა, ბევრისთვის შეშფოთების საგნად ამ მძიმე პერიოდში, სამეფო ოჯახის დამახინჯებული წარმოჩენა იქცა, თუმცა The Crown-ის ერთგულმა გულშემატკივრებმა კარგად იციან, რას შეიძლება მოელონდენ საყვარელი შოუსგან, რომელსაც იმედები ამ დრომდე არასდროს გაუცრუებია მათთვის.
Telluride Film Festival-სა და Toronto International Film Festival-ზე ჩვენების შემდეგ, სარა პოლის დრამას, Women Talking-ის, უკვე მოიხსენიებენ ოსკარის პრეტენდენტად და ეს მხოლოდ შესანიშნავი სამსახიობო გუნდის, ან მხოლოდ კარგი ისტორიის, ან სულაც გადაღების დამსახურება არ გახლავთ, Women Talking ამ ყველაფრის ერთიანობაა, ბალანსი და სრული ჰარმონია, შემზარავი ამბის მიღმა.
კარლ ლაგერფელდის სახლმა და ჯარედ ლეტომ განაცხადეს, რომ 2019 წელს გარდაცვლილი ლეგენდარული დიზაინერის შესახებ ბიოგრაფიული ფილმის გადაღება იგეგმება, მთავარ როლში ჯარედ ლეტოსავე მონაწილეობით. ფილმს მსახიობი, პროდიუსერთან ემა ლუდბრუკთან ერთად, მათი საპროდიუსერო კომპანიის Paradox-ის მეშვეობით გადაიღებს.
ქართველმა მოცეკვავემ და კასკადიორმა ლაშა მძინარაშვილმა, ჰოლივუდში, კასკადიორთა ამერიკელ ოსტატთა „ოსკარზე“ - Taurus World Stunt Awards-ის ცერემონიაზე, საუკეთესო ბრძოლის სცენის კატეგორიაში გაიმარჯვა. ლაშა, მსახიობის რის იფანსის კასკადიორი გახლდათ.
