რაგბის მოყვარულებს წინ ცხელი ზაფხულით ელოდებათ, ბათუმსა და ქუთაისში ივლისის თვეში დიდი მატჩებია დაგეგმილი არგენტინასთან, იტალიასა და პორტუგალიასთან. 2023 წლის მსოფლიო თასისთვის მზადების პროცესში, ბორჯღალოსნებისთვის სამივე თამაში უმნიშვნელოვანესია, თუმცა იტალიასთან ჯახი გამორჩეულია, როგორც მორაგბეებისთვის, ასევე გულშემატკივრებისთვის და ზოგადად ქართული რაგბისთვის.
არ არსებობს ქვეყნად რამე, რისი გაკეთებაც დაუნის სინდრომის მქონდე ადამიანებს არ შეუძლიათ, ისინი ამაში ყოველდღიურად გვაწმუნებენ. ქრომოსომული გენეტიკური ცვლილების მქონე ადამიანები ანგრევენ ბარიერებს, რომლებიც საზოგადოებამ მათ წინ ოდესღაც ააშენა, ამსხვრევენ სტერეოტიპებს და საოცარი წარმატებიც გვევლინებიან ხელოვნებაში, მოდასა თუ სპორტის სახეობებში.
პეკინში, ზამთრის რიგით 24-ე ოლიმპიურ თამაშებზე, საქართველოს სახელით მოასპარეზე ერთადეერთმა მოციგავემ საბა ქუმარიტაშვილმა ასპარეზი დაასრულა. საბამ, სამი დაშვების შემდეგ 31-ე ადგილი დაიკავა, თუმცა ოლიმპიურ თამაშებზე გამოჩენით ოცნებაც აიხდინა და ტრაგიკულად გარდაცვლილ ბიძაშვილის - ნოდარ ქუმარიტაშვილის ხსოვნას პატივი ღირსეულად მიაგო.
48 წლის ქართველმა მწვრთნელმა შოთა არველაძემ „ჰალ სიტის“ მთავარი მწვრთნელის ამპლუაში პირველი მოგება იზეიმა და ინგლისში ჩინებული დებიუტიც შედგა. „სუონსის“ დამარცხების შემდეგ კლუბის ბედნიერმა თაყვანისმცემლებმა ახალ მწვრთნელს სიმღერა დაუწერეს და მოედანზე შეასრულეს.
ულამაზესი პანორამული ხედებისა და სვანური კოშკების ფონზე, 26 თებერვალს. სვანეთში, კურორტ ჰაწვალზე თეზო ჯაფარიძის ხსოვნისადმი მიძღვნილი მემორიალი - „თეზოს თასი“ მერვედ გაიმართება. ტურნირი ამჯერადაც მოყვარულ მოთხილამურეებს შორის, გიგანტურ სლალომში ტარდება და მასში მონაწილეობის მიღება 18 წლიდან ყველა მსურველს შეუძლია (გარდა პროფესიონალი სპორტსმენებისა).
მსოფლიოს მოქმედი პირველი ჩოგანი ნოვაკ ჯოკოვიჩი ავსტრალიაში რჩება. სერბმა სპორტსმენმა 10 იანვარს, ავსტრალიის მთავრობის წინააღმდეგ სასამართლო დავა მოიგო და ამრიგად ქვეყნიდან დეპორტაცია აიცილა. საქმე ის გახლავთ, რომ Australian Open-ზე ჩასულ ჩოგბურთელს აუცრელობის გამო 5 იანვარს სასაზღვრო პოლიციამ ვიზა გაუუქმა და ქვეყანაში შესვლის უფლებაც არ მისცა, რის შემდეგაც ჯოკოვიჩი საიმიგრაციო დაკავების სასტუმროში გადაიყვანეს.
ლაშა ტალახაძისთვის დაბრკოლებები არ არსებობს, სულ რამდენიმე წუთის წინ, ტაშკენტში მიმდინარე ძალოსანთა მსოფლიო ჩემპიონატზე ქართველმა სპორტსმენმა 2 ახალი მსოფლიო რეკორდი დაამყარა - ატაცში 225 ხოლო აკვრაში 267 კილოგრამი. ლაშამ თავისივე მსოფლიო რეკორდი გააუმჯობესა და ორჭიდის ჯამში 492 კილოგრამი ასწია, რითაც მსოფლიოს ხუთგზის ჩემპიონის სტატუსიც მოიპოვა.
ქართველმა ჩოგბურთელმა ეკატერინე გორგოძემ კიდევ ერთი ტურნირი ტრიუმფალური გამარჯვებით დაასრულა - ეკომ და მისმა რუმინელმა მეწყვილემ, ირინა ბარამ ნიდერლანდურ-სერბული წყვილი კერხოვე/კრუნიჩი სამ სეტში ანგარიშით 4:6 6:1 11:9 დაამარცხეს და წყვილთა თანრიგში ტრანსილვანიის ტურნირის (საპრიზო ფონდი 235 238 დოლარი) გამარჯვებულად მოგვევლინენ.
ქართველი ჩოგბურთელი კიდევ ერთხელ გვაოცებს. ნიკოლოზ ბასილაშვილმა ATP ტურის მასტერსზე მეოთხედფინალში კარიერაში პირველად ითამაშა და მსოფლიოს მე-3 ჩოგანი, ბერძენი სტეფანოს ციციპასი სამ სეტში, ანგარიშით 6:4, 2:6, 6:4 დაამარცხა.
საქართველოს ქალ ძალოსანთა ეროვნული გუნდის წევრი, 17 წლის ნათია გადელია საუდის არაბეთის ქალაქ ჯედაში მიმდინარე იუნიორთა მსოფლიოს ჩემპიონატის გამარჯვებული გახდა.
