29 წლის ეკატერინე გორგოძემ, წყვილთა თანრიგში, ზედიზედ, მეორე ტურნირი მოიგო. 19 სექტემბერს ქართველი ჩოგბურთელი ბელგიელ მეწყვილე ისალინ ბონავენტურესთან ერთად, წყვილთა თანრიგში, ვალენსიას საერთაშორისო ტურნირის ჩემპიონად მოგვევლინა.
საქართველოს ქალთა საკალათბურთო ნაკრების მოთამაშე, 21 წლის ელენე ილურიძე კარიერას ამერიკაში, კოლეჯების უმაღლეს ლიგაში NCAA-ში გააგრძელებს. ელენემ ტექსასის უნივერსიტეტის გუნდისგან, სრული სტიპენდია მოიპოვა და ამრიგად გახდა მეორე ქართველი კალათბურთელი (პირველი - ნატალია ოთხმეზური), რომელიც ამერიკის შეერთებულ შტატებში აგრძელებს კარიერას.
ჭადრაკის ქართველი ლეგენდა ნონა გაფრინდაშვილი, მსოფლიოში ერთ-ერთ ყველაზე სახელგანთქმულ საკაბელო ტელევიზია Netflix-ს სასამართლოში, სენსაციად ქცეული მინისერიალის The Queens Gambit-ში გაჟღერებული სექსისტური დეზინფორმაციის გამო უჩივის.
ქართველი ჰალკი - მსოფლიოს ერთ-ერთი საუკეთესო მკლავჭიდელი ლევან საგინაშვილი Netflix-ის ახალ ფილმში გამოჩნდება. სიახლე, თავად ლევანისგან გახდა ცნობილი, როდესაც ქართველმა მკლავჭიდელმა პოდკასტში "მტკივნეული შოუ" განაცხადა, რომ ის სემ ჰარგრეივის ახალ ნამუშევარში Extraction 2-ში მიიღებს მონაწილეობას.
17 წლის ქართველი სპორტსმენი ალექსანდრე წივწივაძე, პორტუგალიაში მიმდინარე მსოფლიო ჩემპიონატის ოქროს მედლის მფლობელი გახდა. ახალგაზრდა მსოფლიო ჩემპიონმა, რომელმაც იუნიორთა და 23-წლამდელთა ევროპის ჩემპიონატზე ყველას 1000 მეტრიან დისტანციაზე აჯობა, გუშინ 18 წლამდელთა შორის, 500 მეტრზე მოიპოვა გამარჯვება.
„დაიბადა გიგა ჭიკაძე, მსოფლიო ჩემპიონი ძიუდოში“, ამ სიტყვებით შეხვდა ძიუდოისტი მამა ვაჟის დაბადებას. მამა, რომელიც ყოველთვის შვილის ნომერ პირველი გულშემატკივარი იყო და რომელსაც მომავალი მსოფლიო ჩემპიონის ცხოვრებაზე ყველაზე დიდი გავლენა აქვს. 25 წლიანი სპორტული კარიერის მანძილზე გიგამ რამდენიმე ქვეყანა და სპორტული კლუბი გამოიცვალა. გერმანიაში, ტაილანდში, საფრანგეთსა და ჰოლანდიაში, სხვადასხვა ტურნირები მოიგო და ბოლოს, თავდაუზოგავი ვარჯიშისა და ბრძოლის შემდეგ კიკბოქსინგის მსოფლიო ჩემპიონი გახდა.
ტოკიოს პარალიმპიურ თამაშებზე შესანიშნავი სტარტი აიღო ქართველმა ეტლით მოფარიკავემ ნინა თიბილაშვილმა. მან შეძლო და საკმაოდ დაძაბული ორთაბრძოლებით საქართველოს პარალიმპიურ ნაკრებს პირველი მედალი მოუტანა.
ჩოგბურთის ვარსკვლავის, Grand Slam-ის 23 გზის გამარჯვებულის სერენა უილიამსის სპონსორს 2003 წლიდან სპორტული სამოსის ბრენდი Nike წარმოადგენდა, ჩოგბურთელსა და გიგანტ კომპანიას შორის კოლაბორაცია რამდენჯერმე შედგა, ახლა კი სერენა უილიამსი Nike-სთვის საკუთარ დიზაინებს ქმნის.
საქართველოს ოლიმპიურმა ნაკრებმა ტოკიო 2020-ზე ასპარეზობა 7 აგვისტოს, გაერთიანებული საქართველოს ისტორიაში რეკორდული მაჩვენებლით - 8 მედლით დაასრულა. ორი ოქრო, ხუთი ვერცხლი და ერთი ბრინჯაო - ასეთია ქართველ ათლეტთა მონაგარი, რომელსაც კვირების განმავლობაში თითოეულ მათგანთან ერთად მოვიპოვებდით ბედნიერებით, გამარჯვების შეძახილებით, ზოგჯერ კი სინანულის ცრემლით.
რა ჰქვია ადამიანს, რომელიც გამუდმებით საკუთარ თავს ეჯიბრება? - ჩემპიონი სახელად ლაშა ტალახაძე! უკვე ორგზის ოლიმპიურმა ჩემპიონმა, დღეს, ტოკიოს ოლიმპიურ თამაშებზე ზედიზედ სამი: საკუთარი, მსოფლიოს და ოლიმპიური რეკორდი დაამყარა და ტოკიოში ქართული ჰიმნი დიდი სიამაყით გააჟღერა.
