რეჟისორ რობერტ ლეონარდის 1941 წელს გამოსულ Ziegfeld Girl-ში, ერთ-ერთ მთავარ როლს შეუდარებელი სილამაზისა და ნიჭის მფლობელი ამერიკელი მსახიობი ჰედი ლამარი ასრულებდა. ჰედის ვარსკვლავებით მოჭედილი კოსტუმი ათწლეულების განმავლობაში შთაგონების წყაროს წარმოადგენდა და ამ თეთრი კაბის ინსპირაციით შექმნილი სილუეტების ხილვა, წითელ ხალიჩაზე დღემდე შეგვიძლია.
სტეფანი ლენდის წიგნის Maid-ის ეკრანიზაცია, 2021 წლის ნამდვილ სენსაციად იქცა. Netflix-ის მინისერიალი, რომელიც მარტოხელა დედის ცხოვრებისეულ სიძნელეებზე, მანქანაში გათენებულ ღამეებზე, მძიმე სამუშაოსა და შიმშილზე გვიამბობს, ორმაგად ემოციური იმის გამოც აღმოჩნდა, რომ სტეფანი წიგნში პირად, შეულამაზებელ ისტორიას გვიამბობდა.
გალერეა „არტარეა“ თანამედროვე ქართველი ხელოვანის ლია ბაგრატიონის სოლო გამოფენა „ვარდნის საშიშროებას“, თამთა შავგულიძის კურატორობით მასპინძლობს. გამოფენა, რომლის მთავარი ესთეტიკური ნიშანი მისი მონოქრომულობა, ვიზუალურად მყარი მოცულობრივი ფორმების სირბილე და ტაქტილურ შეგრძნებათა დუალურობაა და რომლის თითოეული ნამუშევარი გალერეაშივეა შექმნილი, შეგიძლიათ „არტარეაში“ 10 დეკემბრის ჩათვლით იხილოთ.
თანამედროვე ხელოვნების გალერეა Window Project-ი გამოფენა „ურთიერთობას“ - ლევან ჭელიძისა და 4 ბრიტანელი მხატვრის - ვიკი ამირალის, ედ ლუისის, ანა რედვუდისა და სემ ვების ნამუშევრებს მასპინძლობს. გამოფენის სახელწოდება ქართული სიტყვა „ურთიერთობის“ ეტიმოლოგიით არის შთაგონებული და ასახავს არტისტების ინტერაქციას ქართულ სულთან და ლანდშაფტებთან.
რიდლი სკოტის ახალი ფილმის House Of Gucci-ს ხილვის შესაძლებლობა ქართველ მაყურებელს დღეიდან აქვს. მსოფლიო პრემიერების, კრიტიკის და გარჩევების მიუხედავად, რიდლი სკოტის ფილმი ნამდვილად არის ის კინონამუშევარი, რომელსაც მაყურებელი მოუთმენლად ელოდა. ბიოგრაფიული დეტალებით დატვირთული კრიმინალური დრამა1995 წელს ლეგენდარული იტალიური მოდის სახლის დამაარსებლის შვილიშვილის, მაურიციო გუჩის მკვლელობის შესახებ გვიამბობს.
2022 წლის 27 მარტს „ოსკარის” დაჯილდოების ცერემონია 2-წლიანი ქაოსის შემდეგ, რომელიც მსოფლიო პანდემიამ გამოიწვია, განახლებული ძალებით დაგვიბრუნებდა. ახლა, როდესაც ყველამ, მათ შორის რეჟისორებმა და მსახიობებმა კოვიდ 19-თან თანაარსებობა ისწავლეს, მოვლენებმა ახალი დინებით დაიწყო სვლა და ერთგვარი ჩავარდნის, პაუზისა და შესვენების შემდეგ შესაძლებლობა გვაქვს ბრწყინვალე კინემატოგრაფიული ნამუშევრებით დავტკბეთ.
ახალგაზრდა ხელოვანების, ქართული სამხატვრო წრეების ფენომენად ქცეული ვუნდერკინდი ტყუპი დების ესთერ და გრეის პიტიურიშვილების პერსონალური გამოფენა „ბულა კანი“ არტ გალერეა ვაკეში 3-5 დეკემბერს მოეწყობა.
ეროვნული ფენომენი გააცოცხლეს 21-ე საუკუნის ხელნაწერ ვეფხისტყაოსანში, რომლის გადაწერაში მონაწილეობა ჩვენი საუკუნის 300-მდე ღვაწლმოსილმა პიროვნებამ მიიღო. მხატვართა ჯგუფმა კი სპეციალურად ამ წიგნის შესამკობად შექმნა სხვადასხვა დეკორატიული ელემენტები, ორნამენტები და ილუსტრაციები.
საქართველოს ეროვნული მუზეუმი ახალი გამოფენისთვის ემზადება. მუზეუმში „მინიატურები იუნუს ემრეს შესახებ“ 30 ნოემბრიდან იქნება წარმოდგენილი. ექსპოზიციაზე დამთვალიერებელი 25 ნამუშევარს იხილავს, რომელიც სპეციალურად ამ გამოფენისთვის თურქეთიდან ჩამოიტანეს.
„არტ ვილა გარიყულა“ ძმები ზდანევიჩების სახელობის თანამედროვე ხელოვნების რიგით მე-13 ფესტივალს „სახესხვაობას“ წარმოგვიდგენს. კოვიდ სიტუაციიდან გამომდინარე, წელს გამოფენა სამ სხვადასხვა ლოკაციაზე გაიმართება. ფესტივალის ფარგლებში სულ ცხრა არტისტი შეირჩა, რომელთაგან ექვსი ხელოვანის: სალომე გაგუას, მარი ყალაბეგაშვილის, თამუსა ზარქუას, გვანცა ჯგუშიას, ლოლა მაჭარაშვილისა და ნიკა კოპლატაძეს ნამუშევრები 24 ნოემბრიდან 30 ნოემბრის ჩათვლით „მაუდის“ სივრცეში, გამოფენაზე CANILEAVENOW, იქნება წარმოდგენილი.
