და აი ისიც, 2023 წლის Tbilisi Open Air-ის 3-დღიანი თავგადასავლისთვის, ნავსი საბოლოოდ გატყდა, როგორც ჩანს თბილისის ცამ მთელი თვის სამყოფი უკვე იწვიმა და ახლა თავისუფლად შეგვიძლია ჩვენის საყვარელი ფესტივალის დღეებით დავტკბეთ. არამხოლოდ საქართველოში, არამედ კავკასიის მასშტაბით ყველაზე დიდი მუსიკალური ფესტივალის კარი გუშინ, 23 ივნისს, 15 საათზე გაიღო და ჯადოსნური პორტალის დახმარებით საოცრებათა ქვეყანაში კიდევ ერთხელ გადაგვისროლა.
წლის ყველაზე მნიშვნელოვანი მუსიკალური მოვლენის დადგომამდე, სულ რაღაც 2 დღეღა გვაშორებს. რაც უფრო ნაკლები დრო რჩება Open Air-ის შეუცვლელი ლისის საოცრებათა ქვეყანაში სტუმრობამდე, მღელვარებაც მეტად იმატებს, ერთადერთი, რასაც ახლა დარჩენილი დღეების გადაგორება შეუძლია ჩვენთვის, საფესტივალო Must Have ნივთების სიის შედგენა და მათი მოგროვებაა.
მოემზადეთ, ბიტლომანია ბრუნდება! როგორც პოლ მაკარტნიმ BBC Radio 4-ს განუცხადა, ლეგენდარული ლივერპულელი ოთხეული წლის ბოლოს, ახალი და უკანასკნელი სიმღერით დაგვიბრუნდება, რომელშიც ხელოვნური ინტელექტის ხელიც ურევია.
ღონისძიების კონცეფციის ინსპირაცია, მსოფლიოში ერთ-ერთი ყველაზე მასშტაბური Coachella-ს მუსიკალური ფესტივალიდან იღებს სათავეს, რომელიც ფესტივალის პარტნიორი კომპანიებისა და ბრენდებისგან პრე წვეულებებით ნამდვილად არის განებივრებული.
ესეც ასე, Starring Georgia-ს მე-7 ვარსკვლავიც შევსებულია, 1-ელ ოქტომბერს კამპანიის ფარგლებში საქართველოს ლეგენდარული Bruno Mars-ი ეწვევა!
აუდიო პოსტ-პროდუქციის ქართულმა კომპანია POSTRED-მა HBO-ს კიდევ ერთ მეგაშოუს ხმის დიზაინზე იმუშავა! Euphoria-ს შემქმნელის სემ ლევინსონის ახალი ტელეშოუ, რომლის პრემიერაც კანის საერთაშორისო კინოფესტივალზე გაიმართა და რომელსაც უკვე მომლოდინეთა მრავალრიცხოვანი არმია ჰყავს, შემოქმედებით გუნდში ქართულ კომპანიასაც აერთიანებს.
2020 წელს გამოსულ ფილმ Music-ში, აუტიზმის არარეალლისტური პრეზენტაციის გამო მოხდილი ბოდიშიდან 2 წლის შემდეგ, Sia აცხადებს, რომ მას აუტიზმის სპექტრი თავად დაუდგინდა. Survivor-ის ფინალისტ კაროლინ უიგერთან ინტერვიუში Rob Has a Podcast-ზე, მომღერალმა დეტალურად აღწერა თავისი ბოლოდროინდელი ცხოვრებისეული მოვლენები დიაგნოზის გაგების შემდეგ და თქვა: „45 წლის განმავლობაში მე ვფიქრობდი, რომ: „უნდა ჩავიცვა ჩემი ადამიანის კოსტიუმი”. და მხოლოდ ბოლო ორი წლის განმავლობაში გავხდი სრულფასოვნად, სრულად საკუთარი თავი”.
24 მაისს, ერთ-ერთმა ყველაზე გამორჩეულმა, ძლიერმა, მომნუსხველმა და მჭექარე ამერიკულმა ხმამ მარადიულ სიჩუმეში გადაინაცვლა. „როკ-ენ-როლის დედოფლის“ არაოფიციალური სტატუსის მატარებელი და ყველა დროის ყველაზე პოპულარული ქალი მუსიკოსი ტინა ტერნერი შვეიცარიაში, საკუთარ სახლში, 83 წლის ასაკში გარდაიცვალა. ტერნერს 2016 წელს ნაწლავის კიბოს დიაგნოზი დაუსვეს, 2017 წელს კი მას თირკმლის გადანერგვა დასჭირდა.
სულ რამდენიმე საათში, 2023 წლის ევროვიზიის, რიგით მეორე ნახევარფინალი დაიწყება, დღეს, მე-11 ნომრად ევროვიზიის სცენაზე საქართველოს წარმომადგენელს, ირუ ხეჩანოვს ვიხილავთ, რომელიც საავტორო სიმღერას Echo-ს შეასრულებს
ცნობილი ამერიკული მსუიკალური ბენდის Imagine Dragons-ის სიმღერის Crushed-ის ვიდეო კომპოზიცია საარტირელიო ხმებით იწყება, რომელსაც მილიონობით უკრაინელი მოქალაქე მტკივნეულად ამოიცნობს. მუსიკოსებმა კლიპი უკრაინის ფრონტის ხაზზე გადაიღეს და ის თავისუფლებისთვის მებრძოლ ყველა უკრაინელს მიუძღვნეს. კლიპის მთავარი გმირი 14 წლის მოზარდი საშაა, რომლის მშობლიური სოფელი ნოვოგრიგორივკა ხერსონის ოლქში ხუთი თვის განმავლობაში იყო ოკუპირებული.
