დღეს, 17 საათზე, მარჯანიშვილის 7-ში, თიბისი კონცეპტის სივრცეში, Maudi Booster-ის ექსპოზიცია დიდი აუქციონით სრულდება. Maudi არაკომერციული სახელოვნებო სივრცეა, რომელმაც მიზნად, ამ სივრცეში კერძო სექტორის ჩართვა და მომავალი აქტივობებისა და გამოფენების მაღალი ხარისხით ორგანიზებისთვის რესურსების მოძიება განიზრახა. აუქციონიდან შემოსული თანხის ნაწილი, ორგანიზატორთა გადაწყვეტილებით, უკრაინის ფონდში გადაირიცხება.
ამერიკის შეერთებული შტატების ყოფილი პრეზიდენტი ბარაკ ობამა უკვე Netflix-ის გუნდის წევრია. პოლიტიკოსი, რომელიც კლიმატის ცვლილებების შესამცირებლად აქტიურად იბრძოდა, როგორც პრეზიდენტობის პერიოდში, ასევე მის შემდეგ, ერთ-ერთ ყველაზე პოპულაულ საკაბელო არხზე საკუთარ დოკუმენტურ სერიალს Great National Parks-ს წარმოგვიდგენს.
გალერია არტერია, 15 აპრილს, ანა დედაბრიშვილის კურატორობით ჯგუფურ გამოფენას სახელწოდებით „შენ ორი ხარ“ წარმოგვიდგენს. გამოფენის თემაა ორნი და მისი მონაწილეებიც ორნი არიან: თეზი ოსეფაშვილი და ხათუ ფსუტური, მეტიც, არტერია გამოფენაზე მისულ დამთვალიერებელსაც გაორებას უწინასწარმეტყველებს.
ზომაში არაბუნებრივად გაზრდილი ორნამენტები, ბავშვის სათამაშოები, სუვენირები - ეს იმ ნივთებისა და დეტალების მცირე ჩამონათვალია, რომლებიც ჯეფ კუნსის შემოქმედებაში ფიგურირებს. ამ საგნებს არტისტი იმისთვის იყენებს, რომ კომფორტულ, პროვინციულ ცხოვრებასა და გემოვნებაზე აქცენტი გააკეთოს, გააკრიტიკოს თანამედროვე კულტურა, რომელიც კომერციით არის მართული.
ბრიტანული გამოცემა „ბიბისი“, ქართულ სამზარეულოს ვრცელ სტატიას უძღვნის და მსოფლიოს „მრავალფეროვან ვეგანურ აპეტაიზერს“ - ფხალს აცნობს. მოგზაურმა ბლოგერმა და ცნობილი გამოცემის ჟურნალისტმა სარა ფრიმენმა 8 აპრილს „ბიბისის“ ონლაინ პლატფორმაზე სტატია გამოაქვეყნა, რომელშიც ფხალი მოიხსენია როგორც მთელი მსოფლიო ვეგანებისთვის სუპერ საკვები.
დანტე ალიგიერის გარდაცვალების 700 წლის საიუბილეო თარიღის საქართველო, მთელ მსოფლიოსთან ერთად, აღნიშნავს. 18 აპრილს, 20:00-ზე, გიორგი ალექსიძის სახელობის „თბილისის თანამედროვე ბალეტი“ რუსთაველის ეროვნული თეატრის დიდ სცენაზე, ქორეოგრაფ მარიამ ალექსიძის თანამედროვე ბალეტს „ბეატრიჩე“ დაიდგმება - დანტე ალიგიერის „ღვთაებრივი კომედიის“ მიხედვით.
წარმოშობით ქართველი, შვედი რეჟისორი ლევან აკინი ანა რაისის 1976 წელს გამოსული სენსაციად ქცეული ნოველის Interview with the Vampire-ის, ადაპტაციის რეჟისორად მოგვევლინება. როგორც IMDB-დან ირკვევა, აკინი 2022 წლის ადაპტაციის პირველი სეზონების მე-5 და მე-6 სერიების რეჟისორის მოვალეობას ირგებს.
გორის ქალთა გუნდისთვის დედამიწა საკმარისი არ აღმოჩნდა, ბრწყინვალე ქალთა შემოქმედება, არც მეტი არც ნაკლები მთვარეზე გაიგზავნება, დიახ, არ მოგესმათ, სწორედ მთვარეზე!
9 აპრილს, საქართველოს დროით 8 საათზე, ბერლინში მოღვაწე ახალგაზრდა ქართველი მუსიკოსის, ნათია თოდუას ახალი კლიპის პრემიერა გაიმართა. ანა კალანდაძის ლექსზე, ცინუკი დადიანის სიმღერის განახლებულ ვერსიასთან ერთად, მუსიკალური კლიპის ჩაწერის იდეა ნათიას რამდენიმე თვის წინ დაებადა და ის რეჟისორ ზაზა ორაშვილთან ერთად სისრულეში, ხანგრძლივი და საკმაოდ შრომატევადი პროცესის შემდეგ მოიყვანა.
ხანგრძლივი 28 წლის შემდეგ, ლეგენდარულმა როკ-ჯგუფმა Pink Floyd-მა, უკრაინელი ხალხის მხარდასაჭერად, ახალი სიმღერა სახელწოდებით Hey, Hey, Rise Up! გამოუშვა. სიმღერაში Boombox-ის წევრის უკრაინელი მომღერლის ანდრეი ხლიუვნიკის ხმა ისმის, რომელმაც რუსეთ-უკრაინის ომის დაწყების დღიდან ხელში იარაღი აიღო და ქვეყნის დასაცავად იბრძვის.
